Երիտասարդ աղջիկները խաղող են ճզմում Ռինդում:
Լուսանկարը՝ Ստեֆանի Մուրի, «Իմ Հայաստան» ծրագիր, Սմիթսոնյան ինստիտուտ և ԱՄՆ ՄԶԳ
Վարպետ գինեգործները ևս տաղավարներ ունեն Արենի գինու փառատոնի ընթացքում:
Լուսանկարը՝ Ստեֆանի Մուրի, «Իմ Հայաստան» ծրագիր, Սմիթսոնյան ինստիտուտ և ԱՄՆ ՄԶԳ
Գինու փառատոն
Փառատոնը սովորաբար անցկացվում է Ռինդ և Արենի գյուղերում սեպտեմբերի վերջին շաբաթ և կիրակի օրերին: Միջոցառումների առաջին օրը սկսվում է Արենիի մոտ գտնվող Ռինդ անունով փոքր գյուղում, որտեղ տեղի համայքները ներկայացնում են իրենց լավագույն մթերքը և ըմպելիքը: Շրջե՛ք տաղավարներով և համտեսե՛ք Ռինդի համեղ ուտելիքներից: Այս ընթացքում տեղի դպրոցի աշակերտները երգում և պարում են հայկական ավանդական հնչյունների ներքո:
Միջոցառումներն այնուհետև շարունակվում են Արենի գյուղում: Փառատոնին մասնակցում են հազարավոր մարդիկ՝ Հայաստանից և ամբողջ աշխարհից: Արենիի գլխավոր փողոցի ողջ երկայնքով ձգվող տաղավարներում տեղացիները վաճառում են իրենց տնական գինին: Փառատոնին մասնակցում են նաև Հայաստանի ամենահայտնի գինեգործները, որոնց տաղավարիների մոտ կարող եք նաև համտեսել նրանց արտադրանքը: Գյուղի կենտրոնում շարունակ երգում են, պարում և հյուրերին հրավիրում միանալու պարային խմբերին:
Մշակութային տեսարան վայրեր