Եբրայերեն արձանագրություններով տապանաքարեր
Լուսանկարները՝ Ստեֆանի Մուրի, «Իմ Հայաստան» ծրագիր, Սմիթսոնյան ինստիտուտ և ԱՄՆ ՄԶԳ
Հրեական գերեզմանատուն Եղեգիսում
Այժմ Հայաստանը նախ և առաջ ճանաչում են որպես քրիստոնյա երկիր՝ թագավորություններից առաջինը, որ քրիստոնեությունն ընդունել է որպես պետական կրոն: Հատկանշական է, սակայն, որ այս երկրում կա զարմանալի քանակությամբ կրոնական բազմազանություն: Միջին դարերում Մետաքսի ճանապարհով Հայաստան և Վայոց ձոր են եկել տարբեր մշակույթների և հավատքի մարդիկ:
Հրեական գերեզմանատան՝ 1266-1337 թվականներին վերագրվող տապանաքարերը պատկանում են հրեական փոքր համայնքին, որն ապրել է միջնադարյան քաղաք Եղեգիսում: Դժբախտաբար, միջնադարյան Հայաստանի հրեական և կրոնական ու էթնիկական նմանատիպ մյուս համայնքների վերաբերյալ պատմական վկայությունները սակավ են:
Տապանաքարերից շատերի վրա կարելի է կարդալ եբրայերեն արձանագրություններ, ինչպես նաև աստվածաշնչյան և թալմուդյան տողեր: Հանգուցյալների մի մասի անունները մեծ տարածում են ունեցել Իրանի հրեաների շրջանում, որից կարելի է ենթադրել, որ այս համայնքն իրանական ծագում է ունեցել:
Պատմական տեսարժան վայրեր
Եբրայերեն արձանագրություններով տապանաքարեր
Լուսանկարները՝ Ստեֆանի Մուրի, «Իմ Հայաստան» ծրագիր, Սմիթսոնյան ինստիտուտ և ԱՄՆ ՄԶԳ