Ուլգյուրի Սուրբ Աստվածածին եկեղեցի
Ուլգյուրի Սուրբ Աստվածածին եկեղեցին թվագրվում է 11-14-րդ դարերով: Այն հետաքրքիր փոքրիկ շինություն է, ունի ուղղանկյուն հատակագիծ: Եկեղեցու շրջակայքում կարելի է տեսնել երկու վիշապաքար՝ հնագույն վաղքրիստոնեական շրջանի գլանաձև քարե քանդակներ, որոնց վրա պատկերված են թռչնակերպ արարածներ և առեղծվածային վիշապ: Վիշապաքարեր սովորաբար տեղադրել են աղբյուրների մոտ: Վերոնշյալ երկու վիշապաքարերը հետագայում վերածվել են խաչքարերի (1001 և 1199 թվականներ):
Ուլգյուր գյուղում է ծնվել հայտնի ճարտարապետ, քանդակագործ և մանրանկարիչ Մոմիկը: Եկեղեցու գերեզմանատանն են թաղված Մոմիկի ծնողները, եղբայրը, նրա կինը և երկու երեխաները: Այս տապանաքարերի, ինչպես նաև մերձակա հնագիտական տարածքներում հայտնաբերված արձանագրությունների օգնությամբ փորձագետները վերակազմել են Մոմիկի տոհմածառը:
Տապանաքարեր Ուլգյուրում
Լուսանկարը՝ Ռիկ Նեյի, «ԱՄԱՓ» մարդկային զարգացման ՀԿ
Խաչքարեր Ուլգյուրում
Լուսանկարը՝ Ռիկ Նեյի, «ԱՄԱՓ» մարդկային զարգացման ՀԿ
Սուրբ Աստվածածինը և շրջակա խաչքարերը
Լուսանկարը՝ «ԱՄԱՓ» մարդկային զարգացման ՀԿ-ի
Պատմական տեսարժան վայրեր