Zgjimi Islam Zejnepe Jakupi : Kjo është pyetja më e vështirë . Të gjitha përjetimet e jetës sime mund të përshkruhen fare lehtë , por , kënaqësitë që përjetova në Haxh janë të papërshkrueshme . Do mundohem në pika të shkurtëra të ju tregoj se si kam kaluar atje . Nga aeroporti i Prishtinës kemi ateruar në aeroportin e Medinës . Jemi vendos në hotelin “ Elyas Hotel ” në Medinë . Çdo hap që bëja në atë vend , dëshira bëhej më e madhe për të qëndruar atje , kurse ndjenja kur kam parë për herë të parë xhaminë e Pejgamberit s . a . v . s ., nuk krahasohet me asnjë ndjenjë tjetër . Ajo është mrekulli në vete . Këmbët s ’ më mbanin e lotët s ’ më ndaleshin kur kujtoja se më i Dashuri Ynë ka jetuar në atë vend . Atëherë ndihesha në piedestalin më të lartë të kënaqësive shpirtërore . Sa kemi qenë në Medinë kemi vizituar kodrën Uhud , varresat e shehidëve të Uhudit , xhaminë e Tebukut dhe xhaminë me dy kible , ku secila prej tyre të kujtonte një histori të Dërguarit tonë . Pas dhjetë ditë qëndrimi në Medinën e Ndritshme u nisëm për në Mekken e Bekuar . Gjatë rrugës u ndalëm në Mikat për të bërë nijet Haxhin . Në Mekke u vendosëm në hotelin “ Golden Manafea Hotel ”. Atje filluan obligimet tona si haxhilerë . Për dallim nga Medineja , ndjenjat dhe emocionet në Mekke ishin edhe më të forta , sepse në atë moment që shihet Qabeja , përmallimi bëhet edhe më i madh . Këtë ma kujtonte edhe thënia popullore : ” Sa më shumë që të pish ujë deti aq më i etur je ”. Në ditën e parë që arritëm e bëmë Umren dhe u liruam prej ihramit . Pas tri ditëve përsëri kemi veshur ihramin , kësaj radhe për të kryer Haxhin . Shkuam në Arafat . Atje u vendosëm në tenda . Dielli na përcëllonte mbi kokë , por vullneti i madh dhe bindja ndaj Allahut xh . sh . na bënin të durueshëm e të qëndrueshëm . Në Arafat më kujtohej shumçka . Më kujtohej si Pejgamberi s . a . v . s ., dhe gjithë të parët tanë , çfarë mundi dhe sakrifice kanë bërë për të kryer Haxhin , ndërsa ne sot me gjithë këtë komoditet që kemi ? Me këtë rast e kujtova hadithin e Pejgamberit s . a . v . s .,: ” Haxhi është Arafat ”. Çdo besimtar vetëm pasi ta kryej Haxhin do ta kuptojë vlerën dhe domethënien e këtij hadithi . Pas Arafatit , dikur pas mesnate jemi nisur për në Muzdelife . Atje kemi qëndruar vetëm pak , kemi mbledhur gurët dhe jemi nisur për në Mina . Deri atje kemi shkuar në këmbë . Kur kemi arritur atje kemi gjuajtur gurët dhe ky ibadet ka vazhduar për tri ditë me radhë . Të nesërmen kemi kryer tavafin farz , dhe me këtë ka përfunduar Haxhi . Një ditë para kthimit kemi bërë tavafin lamtumirës dhe me këtë i kemi dhënë lamtumirën Qabesë . Nga Mekka shkuam në aeroportin e Xhiddes , e prej atje ateruam në Prishtinë . Këto ishin vetëm disa nga sekuencat më të rëndësishme që përjetova gjatë Haxhit . Lus Zotin xh . sh . që të na e ketë pranuar të gjithëve dhe që t ’ ua mundësojë të gjithë muslimanëve kryerjen e Haxhit .
Zgjimi Islam : Përveç kënaqësive shpirtërore , a ka edhe diçka që ju keni përjetuar atje ?
Zejnepe Jakupi : Pyetje shumë me vend . Përveç kënaqësive të mëdha shpirtërore kam kaluar jashtëzakonisht mirë . Jam takuar me njerëz të ndryshëm dhe kam përfituar shumë nga përvojat e tyre , e në veçanti nga shoqet e mia të dhomës . Kam mësuar aq shumë sa që thosha në vete : “ Unë nuk di asgjë ”!
Zgjimi Islam : Kujt ia dedikoni sukseset e tua ?
Zejnepe Jakupi : Së pari falënderimet i takojnë Allahut xh . sh ., për sukseset e mija dhe të çdokujt , sepse pa ndihmën e Tij nuk do të arrija askund dhe asgjë . Pastaj , gjithmonë them : ato suksese nuk janë të mia realisht , janë sukses i prindit tim , hoxhës tim dhe kujdestarit tim në medrese . Pas Allahut xh . sh . sukseset e mija ia dedikoj këtyre tre personave sepse unë jam fryt i tyre , dhe se , pa ta unë nuk do të isha këtu ku jam sot . Po ashtu , përkrahje dhe ndihmë të madhe kam nga Dekanati dhe gjithë stafi akademik i këtij fakulteti , prandaj i falënderoj përzemërsisht . Nuk harroj të falënderoj në veçanti myftiun mr . Naim Tërnava dhe Bashkësinë Islame të Republikës Kosovës , pjesë e së cilës jemi të gjithë ne dhe pa të cilën nuk do të kishim vlerë si bashkësi fetare .
Zgjimi Islam : Cilat janë synimet tuaja në të ardhmen ?
Zejnepe Jakupi : Siç e dini , në këtë vit jam absolvente dhe do të diplomoj , insha ’ Allah . Pak a shumë kam menduar dhe jam konsultuar me të tjerët për temë të diplomës , por ende nuk ka diçka definitive . Pas përfundimit të F . S . I . -së shpresoj që nuk do ta lë me kaq , do të vazhdojë magjistraturën ose ndonjë fakultet tjetër .
Zgjimi Islam : Cili është mesazhi juaj për fund ?
Zejnepe Jakupi : Dua që gjithë shqiptarëve kudo që janë t ’ u uroj 100 vjetorin e Shpalljes së Pavarësisë së Shqipërisë , që e patëm pak ditë më parë , po ashtu i uroj Dekanatit , stafit akademik dhe gjithë studentëve të Fakultetit të Studimeve Islame akreditimin e fakultetit si dhe 20 vjetorin e themelimit të tij . Uroj që gjithmonë të shkojë mbarë dhe të nxjerrë kuadro të suksesshëm . Ju falënderoj edhe juve si redaksi e revistës që rezervuat disa faqe të revistës për mua . Në fund i këshilloj të gjithë të rinjtë të mos ndahen asnjëherë nga feja dhe librat , sepse këto janë çelësi i suksesit dhe i kënaqësive , dhe nuk bëjnë asnjëra pa tjetrën , sikurse ka thënë Albert Ajnshtajni : ” Feja pa shkencë është e verbër , shkenca pa fe është e çalë ”.
Intervistoi : Redaksia
7