Zgjimi Islam
Qëllimet e Fakultetit të Studimeve Islame
Ambiente e Fakultetit të Studimeve Islame
Fakulteti i Studimeve Islame ka për qëllim sendërtimin
e studimeve universitare bashkëkohore në përputhje
me Deklaratën e Bolonjës, me specifikat që e dallojnë,
duke e kurorëzuar atë me një diversitet në mësimdhënie, traditë dhe arritje të ndryshme bashkëkohore.
Fakulteti ndihmon në përvetësimin e metodave bazë
të kërkimit, duke përfshirë edhe aftësinë për të përcaktuar, vlerësuar dhe sintetizuar informacione e të dhëna.
Është e rëndësisë së veçantë angazhimi në zhvillimin e
aftësitë e mendimit analitik, sintetik dhe kritik tek studentët. Fakulteti i Studimeve Islame rëndësi të veçantë
u kushton vlerave universale ndërnjerëzore, sidomos
atyre me premisa hyjnore, dhe kultivon marrëdhënie të
shëndosha mes profesorit e studentit.
Fakulteti ka për qëllim që:
- të sigurojë kushte për arsimimin e kuadrove shkencore-mësimore;
- të zhvillojë kushtet për hartimin e literaturës shkencore mësimore për nevojat e mësimit;
- të zhvillojë kushte për mësimdhënie dhe mësimnxënie cilësore;
- t’u ofrojë shërbime profesionale e shkencore organeve
dhe institucioneve të Bashkësisë Islame dhe institucioneve të tjera në nevojë;
- të zhvillojë bashkëpunim me fakultetet simotra teologjike dhe me institucione e me asociacione të tjera
shkencore-arsimore në vend dhe jashtë.
Për realizimin e këtij misioni, Fakulteti i Studimeve
Islame, për vitin akademik 2012/2013 ka të punësuar
dhe të angazhuar një staf akademik të nevojshëm e
të kualifikuar në universitet vendore, rajonale dhe
ndërkombëtare, staf ky i përbërë prej 13 doktor shkencash, 6-të magjistrash, 1 asistenti, 1 asistenteje dhe 1
lektori.
Ndërtesa e FSI-së është shumë funksionale dhe ka
gjithçka që është e nevojshme për punë cilësore. Ajo
është e pajisur me mjetet më moderne të mësimdhënies dhe të mësimnxënies, që ofrojnë kushte për një
proces mësimor cilësor. Profesorët kanë kabinetet e
tyre, ku mund të përshtaten për ligjërata dhe të zhvillojnë punë shkencore, për takime me student, apo për të
kryer punë të tjera që i përkasin pedagogut.
Duhet të theksohet se rregulli dhe pastërtia në të gjitha
ambientet e fakultetit është në nivelin më të lartë të
mundshëm. Sallat e mësimit në FSI janë shumë funksionale, të pajisura edhe me projektorë që ndihmojnë
për avancimin e mësimdhënies dhe të mësimnxënies.
Gjithashtu Fakulteti i Studimeve Islame ka një bibliotekë mjaft të pasur - me 10.000 (dhjetë mijë) libra me
7.000 (shtatë mijë) tituj të ndryshëm dhe disa qindra
punime diplomash, që tërë kohën janë në dispozicion
të studentëve.
Në fakultet përveç stafit administrativ dhe atij arsimorë, funksionon edhe Unioni Studentor i cili ka për
detyrë t’i dëgjojë dhe pranojë kërkesat, ankesat, propozimet e idetë e studentëve, t’i mbrojë interesat dhe të
drejtat e tyre, dhe në të njejtën kohë të merret edhe me
organizimin e Tribunave, Programeve fetaro-kulturore,
ekspozitave etj..
Gjithashtu, në Fakultet është aktive edhe redaksia e
revistës “Zgjimi Islam”, revistë kjo e përgatitur nga
studentët e FSI-së, e cila botohet dy herë në vit. Aty
studentët kanë mundësi t’i shpalosin idetë, mendimet,
opinionet e studimet e tyre të ndryshme në lidhje me
individin, shoqërinë, dhe në përgjithësi me të gjitha
ato që mund ta preokupojnë jetën e një student.
5