Zgjimi Islam
Intervistë me Dekanin e Fakultetit të Studimeve Islame
Prof. Dr. Qazim Qazimi
Zgjimi Islam: Ju jeni njëri prej themeluesve të
Fakultetit të Studimeve Islame, na e përshkruani pak
kohën dhe rrethanat në cilat u themelua ky institucion?
Qazim Qazimi: Ky institucion u themelua në vitin
1992 me vendim të Kuvendit të Bashkësisë Islame të
Kosovës. Rrethanat në të cilën u themelua ky institucion ishin jashtëzakonisht të vështira. Ishte koha kur
objektet e posaçme shkollore mbetën të zbrazëta dhe
mësimi zhvillohej në objekte private (shtëpi, xhami,
bodrume etj.), si pasoj e regjimit serbë që ishte në
Kosovë.
Mirëpo këto rrethana nuk e ndalën vullnetin,
dëshirën, ambicien dhe realizimin e qëllimit të disa
dashamirësëve të dijës, për themelimin e këtij institucion, i cili hapi dyert për të gjithë ata që dëshiruan të
ngritin nivelin e tyre akademik, në fushën e Studimeve Islame.
Zgjimi Islam: Cilat ishin sfidat nëpër të cilat kaluat
dhe si i tejkaluat ato?
Qazim Qazimi: Çdo fillim është i vështirë, kështu që
edhe ne në fillimin tonë hasëm në vështirësi, duke
marrë parasysh edhe rrethanat në të cilat u themelua.
Mungesa e një objekti të përshtatshëm për zhvillimin
e procesit mësimorë, kuadri i pakët dhe jo në nivelin
e duhur akademik, si dhe numri i vogël i studentëve,
bëri që sfidat të jenë më të mëdha. Por, dëshira e
flaktë për ngritjen e vetëdijes fetare dhe kombëtare të
shoqërisë sonë kosova