Zgjimi Islam
Studentët e FSI-së morrën pjesë në
seminarin dy ditor të mbajtur në Prizren
Studentët e Fakultetit të Studimeve Islame nga
Prishtina në bashkëpunim me Departamentin e
të Rinjëve të Bashkësisë Islame në Prishtinë, ishin
pjesëmarrës në seminarin dy ditor të mbajtur në
Prizren me datë 16-17 nëntor 2012 të organizuar nga
Organizata Gjermane “Konrad Adenauer Stiftung”
me temë “Marrëdhëniet në mes komuniteteve fetare
dhe shtetit”. Rëndësia e të rinjëve në promovimin e
mirëkuptimit të ndërsjelltë dhe për bashkëpunim.
Në ceremoninë e hapjes, në emër të Kryesisë së
Bashkësisë Islame të Republikës së Kosovës, një
fjalim pati dr. sc. Fahrush Rexhepi, i cili më pastaj
mbajti edhe një ligjëratë rreth temës “Ndërveprimi i
bashkësive fetare dhe shtetit në kontekstin e pluralizmit
fetar”. Në këtë seminar ishin të pranishëm edhe përfaqësuesi i kishës ortodokse serbe Ilarion Lupuloviç
dhe kishës katolike Don Pal Tunaj, të cilët po ashtu
u paraqitën me fjalët dhe ligjëratat e tyre rreth temës
së sipërtheksuar. Një ligjëratë poashtu mbajti edhe
drejtori i “Institutit për Trashëgimi Kulturore” në
Prizren, z. Hasan Hoti.
Përveç studentëve të F.S.I.-së dhe Medresesë së
Mesme”Alaud-din”, ishin prezentë edhe studentë
nga të tri grupet e komuniteteve tjera fetare, si dhe
28
studentë nga Gjimnazi “Loyola” në Prizren, të cilët
përgjatë dy ditëve punuan në grupe duke dialoguar
mes vete dhe duke trajtuar tema të ndryshme si:
“Kontributi i brezit të ri në thyerjen e steriotipeve
fetare”, “Pjesëmarrja e liderëve fetar në politikë”, “Roli
i mediave në aspektin e religjioneve” etj.
Në të gjitha diskutimet fjalët kyçe u thanë nga studentët e Fakultetit të Studimeve Islame, të cilët
inicuan edhe debate të tjera me rëndësi jetike për
bashkëpunimin dhe bashkëveprimin e të rinjve me
përkatësi të ndryshme fetare, e për të cilat pati reagime shumë pozitive.
Ndër temat kryesore që u diskutuan në këtë seminar
ishte: “Fetë dhe Toleranca”. Në lidhje me këtë temë një
ligjëratë mbajti edhe përfaqësuesi i F.S.I.-së në Prishtinë, mr. Driton Morina. Në kuadër të këtij seminari u
bënë edhe vizita objekteve fetare në Prizren, Xhamisë
Bajrakli, Kishës Ortodokse Serbe dhe Kishës Katolike. Në fund për të gjithë studentët u vlerësuan me
certifikata.
Merita BOROCI/ II