Zgjimi Islam
arsye se po vjen një vit i ri ! I ri për kë ? Për secilin nga ne është vit i vjetër ! Dhe gjithashtu nuk është e logjikshme të festohet diçka që ende nuk ka ardhur ! Nëse nuk jemi këmbëgulës dhe të qëndrueshëm në vlerat që i kemi , koha në të cilën po jetojmë e bën edhe botën të ndryshojë . Edhe koncepti për jeten e veten tonë po merr dimensione të reja dhe nuk mendojmë fare për identitetin tonë . A mos frika nga humbja e identitetit është vetëm mosnjohje e vetës dhe tjetrit ? Kjo bën t ’ i bashkangjitemi karvanit të tëhuajësimit tonë kulturor e religjioz . Atëherë cili qenka “ Viti i RI ” i muslimanëve që ta festojmë atë ? Kjo temë na lidhë me ngjarjen që kalimthi e cekëm më lartë , pra bëhet fjalë për “ Hixhretin ”, shpërnguljen me padëshirë të Muhammedit a . s . me shokët nga vendlindja e tij Meka , në një qytet tjetër - Medinë . Edhe pse u larguan nga vendi i tyre , Muhamedi a . s . qajti për atë vend . Ata emigruan në një vend tjetër ku edhe ndërtuan shtetin e parë Islam . Zoti xh . sh . Muhamedit a . s . vetëm i tregoi se ai do të shpërngulet nga vendi i tij , ndërsa mënyra e shpërnguljes , organizimi , gjetja e rrugës , ishte punë e Muhamedit a . s . me shokët e tij që e instaluan . Hixhreti gjatë viteve të para të Islamit në Medinë luajti rol të jashtëzakonshëm në përhapjen e fesë së re në Siujdhesë . e më vonë edhe përtej Hixhazit ( Arabisë ). Ajo është ngjarje universale , kthesë radikale në ruajtjen e dinjitetit njerëzor shpirtëror dhe fizik . Për këtë arsye Hixhreti shërben për shkollë gjatë tërë historisë , pa marrë parasysh sistemin e qeverisjes , gjininë , moshën , ngjyrën , gjuhën , mjedisin gjeografik , etj . Ende pa arritur në Medinë , Muhammedi a . s . u ndal të pushojë në vendin Kuba . Aty e filloi ndërtimin e xhamisë së parë në Islam . Ndërtimi i xhamisë flet mjaft për synimet e Muhammedit a . s .. Xhamia do të jetë strumbullari i jetës dhe i veprimtarisë së të gjithë muslimanëve . Nga xhamia do të organizohet jeta e brendshme dhe e jashtme , paqja dhe lufta , solidariteti dhe mësimi ; çdo gjë në interes të muslimanëve . Qyteti i Medinës i vëllazëroi muslimanët . Ata ndanë pasurinë , ata ndanë problemet , ata ndanë fitimet . Çdo gjë e bazuar në parimin e vëllazërisë fetare , madje për një kohë të shkurtër edhe trashëgimia bëhej mbi këtë parim . Medina është bërthama e ummetit musliman , që sot shtrihet në një çerek të botës në përgjithësi . Ardhja e muslimanëve në Medinë dhe vendosja e tyre aty hapi shtigje të reja në pikëpamje të marrëdhënieve ndërfetare dhe ndërnacionale . Aty nuk kishte vetëm muslimanë , por edhe idhujtarë , hebrenjë dhe të krishterë . Duke e analizuar këtë gjendje , shumë shpejt Muhammedi a . s . hartoi Kartën e Medinës ( Sahifa ), në të cilin dokument rregulloheshin të drejtat dhe detyrimet e të gjithëve , muslimanëve dhe jomuslimanëve . Kjo Kartë është kushtetuta e parë e aplikueshme në botë . Ajo i rregulloi për mrekulli raportet e besimit , politikës , ekonomisë , strategjisë , etj . Sikur e kemi cekur në fillim se jeta njerëzore lë gjurmë pas vetes , qofshin ato të mira apo jo të mira , kurse ne duhet të jemi ata që e selektojmë vetëm të miren dhe të marrim mësim nga ngjarjet e kaluara . Nëse ne festojmë nje festë padyshime ajo duhet të jetë edhe përkujtim për ne për përmirësimin tonë . Tek e fundit kjo botë është e tillë , njerëzit e përceptojnë në mënyra të ndryshme , dhe përfitimet nga kjo jetë i kanë të ndryshme . Ata të cilët më së shumti fitojnë në këto festa komerciale janë komercialistët . Kurse në anën tjetër , çdo herë e më shumë zbehen festat religjioze të cilat nuk bëjnë shpenzime të kota , ku komercialistët nuk mund të fitojnë sa duhet . Ky është mashtrimi në emër të festave të fundvitit . Sipas këtij sistemi jete që është bërthama e strukturës së shoqërisë perëndimore , sovraniteti i Zotit në qiell dhe Tokë u është transferuar përfaqësuesve të këtyre klasave , mendim ky krejtësisht i gabuar , lajthitës . Kjo mënyrë e qeverisjes së popullit jo vetem që nuk arrinë që njeriu të bëhet mbinjeri , por ai u shndërrua në gjendje kur më nuk mund ta ruajë pozitën e vet ekzistuese . Shoqëritë në vend që të arrijnë rendin , sistemin e drejtësisë dhe barazisë , përkundrazi , ato janë detyruar që t ’ i nënshtrohen despotizmit teknokrat - burokratik . Nga specifikat më dalluese të cilët gjendemi janë pesimizmi , mosrealizimi i iluzioneve , dhe ngushtësia shpirtërore etj . Në fund duhet të jemi vetvetja , mos të jemi prej atyre që përfaqësojmë idenë e “ eklektizmit ”.
Referencat : ___________________________ 1 . Mubarekfuri , Safijurrahman , “ Nektari i vulosur i Xhennetit ”, sh . b . “ Nun ”, Shkup 1997 . 2 . Ozel , Ismet , “ Tri çështjet : teknika-civilizimi-tëhuajësimi ”, sh . b . “ Logos-A ”, Shkup 2009 . 3 . Yvejsi , Mexhid , “ Prejardhja e festave ”, shtyp .: “ ERPO- Print ”, Gjakovë 2011 .
Agon DRAGUSHA / III 21