Zgjimi Islam rritje çdo dit e më shumë , e shumë dukuri të tjera negative u shndërruan në normale duke i shëruar më atë se ne jemi duke u integruar në shoqërinë evropiane ! Çudi integrim apo asimilim , sepse integrimi për të cilin Islami na lejoj ai dallon nga ky integrim që ne jemi duke bërë sepse ky integrim shoqërinë tonë po e dërgon drejt humbjes së vlerave , identitetit dhe besimit . Cili duhet të jetë roli i vërtetë i muslimanit në një shoqëri të tillë ? A të vetëmbyllet apo të integrohet duke marrur të mirat e duke lënë anët negative të saj ? Muhammedi a . s ka thënë : “ Besimtari që hyn në kontakt me njerëzit dhe i duron shqetësimet që mund t ’ i vijnë prej tyre , është më i mirë se një besimtar që nuk hyn në kontakt me njerëzit dhe nuk i duron shqetësimet që vijnë prej tyre ”. Kjo sepse s ’ do të ketë kurrfarë vlere një besimtar i moralshëm , i sinqertë i mbyllur brenda 4 mureve ? Jomuslimanët integroheshin në shoqëri por nuk asimiloheshin . Këtë e tregon edhe vet fakti kur në Mekke u keqësua dhe vështirësua jeta e myslimanëve , atëherë Muhammedi a . s i urdhëroj që të shpërnguleshin në Abisini / Etiopi pasi që kishte dëgjuar se mbreti i Abisinisë ishte mbret i drejtë . Kur emigruan një pjesë e muslimanëve prej 40 deri 80 persona , atje qëndruan gati 10 vite , pasi Muhammedi a . s u shpërngul në Medine edhe ata që ishin në Abisini u nisen për në Medine , por tani numri i tyre ishte rritur me qindra mijëra , por çka ndodhi që u shumuan aq shumë ? Ata ishin integruar në atë shoqëri por nuk ishin shkrirë , i mësonin si të punonin tokën dhe shumë gjëra të tjera , i ftonin vendasit në shtëpitë e tyre saqë vendasit dhe mbreti i Abisinisë i deshtën shumë . Po ne vallë , çfarë ju kemi ofruar njerëzve përmes fesë tonë Islame ? Duke na imponuar kinse integrim për në Evropë neve na sollën plot vese negative të cilat po rriten çdo ditë e më shumë , vese të cilat përditë e më shumë po na mbajnë më largët nga ajo që mbrojtëm me përkushtim të madh gjatë kohës kur dëshiruan me dhunë të na e marrin . Zoti xh . sh . në Kur ’ an thotë : “ Kthehuni tek Zoti juaj dhe nënshtrojuni Atij , para se t ’ ju vijë dënimi , sepse atëherë nuk do të mund t ’ ju ndihmojë kush . Ndiqni më të mirën e asaj që ju është shpallur nga Zoti juaj , para se t ’ u vijë dënimi papritmas , pa e ndier atë ”.[ 1 ] “ Thuaj : “ A doni t ’ ju lajmëroj për ata që , më së shumti , humbasin nga punët e veta , për ata , përpjekja e të cilëve ka qenë e kotë në jetën e kësaj bote , ndërkohë që mendonin se po bënin vepra të mira ?” Këta janë ata , që nuk kanë besuar në shpalljet e Zotit të tyre dhe në takimin me Të . Punët e tyre do të fshihen , andaj Ne nuk do të vëmë kurrfarë peshe për ta ( për veprat e tyre ), në Ditën e Gjykimit ”.[ 2 ] Nëse njeriu e fiton kënaqësinë e Allahut xh . sh . në këtë botë nëpërmjet sjelljes dhe moralit të tij , Ai me siguri do ta mbrojë atë si në këtë botë ashtu edhe në të përtejmen . Megjithatë , nëse ai e humb këtë mundësi në këtë botë , ai do të pendohet për këtë gabim të tmerrshëm që nga momenti kur engjëjt e vdekjes do t ’ i shfaqen atij . Ky gabim , që nuk ka gjasa që të përmirësohet , do të jetë shkaku i një pendimi të përjetshëm , përveç nëse Allahu xh . sh . dëshiron ndryshe . Në Kur ’ an , Zoti xh . sh . e përshkruan pendimin që ndjejnë njerëzit në praninë e Tij si vijon : “ Ai do të thotë : “ Ah , sikur të kisha bërë diçka të mirë për jetën time !”[ 3 ] “... Ai thërriste : “ Ah ! Sikur të mos i kisha shoqëruar Zotit tim askënd !”[ 4 ] “... Ah , sikur ta kisha marrë rrugën ( e drejtë ) me të Dërguarin !”[ 5 ] Një person i cili nuk do të donte t ’ i shqiptonte këto fjalë i dëshpëruar , duhet që nga ky moment t ’ i nënshtrohet Zotit të Tij dhe të jetojë në pajtim me parimet e përcaktuara nga Krijuesi ynë . Synimi ynë duhet të jetë Zoti xh . sh ., orientim bota tjetër dhe rrugë Islami .
Referencat : ___________________________ [ 1 ] Kur ’ an-i : Surja : Zumer ; ajetet : 54-55 . [ 2 ] Kur ’ an-i : Surja : Kehf ; ajetet : 103-105 . [ 3 ] Kur ’ an-i : Surja : Fexhr ; ajeti : 24 . [ 4 ] Kur ’ an-i : Surja : Kehf ; ajeti : 42 . [ 5 ] Kur ’ an-i : Surja : Furkan ; ajeti : 27 .
Faruk HOXHA / IV 17