Zgjimi Islam
Me dritën që solli, largoi injorancën e rrënjosur në
errësirën e pafund. Nxiti njerëzit në punë të mira dhe
u dha dijetarëve vendin më të lartë në tokë, për arsye
se dituria ishte thesari më i madh që njerëzit mund të
posedonin. Kështu u ngrit një civilizim i harruar nga
koha, u rindërtua një botë që në maje të saj posedonte qetësinë dhe harmoninë. U reformuan teoritë e
pabaza nga ata që nuk shihnin më shumë se kënaqësia e epshit dhe trupit të tyre. Ishte ky Islam që ua
hapi të tjerëve mendjen për të vepruar e punuar më
shumë, për të garuar në dituri e zbulime. Ishte Islami
ai që zgjoi njerëzit nga gjumi shekullor.
Ky Islam që i tregoi Perëndimit se si formohet një
shoqëri ideale, me moral e kulturë, me civilizimin
e vërtetë. E sot si është bota e perëndimizuar dhe e
modernizuar?! Pamja e saj ka ndryshuar aq shumë
sa nuk ka ndonjë ngjashmëri me të kaluarën e saj të
errët, por po e shohim se shkaktarët dhe indikatorët
janë të njejtë, për dallim se kjo kohë njeh modernizimin e lartë.
Luftërat për pushtet, ditë e më shumë po vrasin e po
shkatërrojnë njerëz e vende të tëra. Egoja e tyre po
përmbys të kaluarën e artë të civilizimeve të shumta,
ata po mbysin pa dallim, të keqin e të mirin.
Po ua cenojnë të drejtën e rritjes dhe zhvillimit
fëmijëve të sapo lindur. Toka po lahet me gjakun e
njerëzve të pafajshëm. Në anën tjetër morali ka rënë
në një pozitë të ulët, ai po shkelet e përdhoset nga
njerëz të pandërgjegjshëm e të pavlerë.
Femra është bërë objekt i kënaqësisë së epsheve e
dëshirave të errëta. Njerëzimi po përjeton edhe një
kapitull shkatërrimi e dështimi, manipulimi e asgjësimi. E ku është e ardhmja e njerëzimit përkrah
civilizimit perëndimor?!
Jobi për këtë shkruan: “Vetëm Islami është i aftë
të tubojë popuj të ndryshëm në një front edhe atë
në bazë të barazisë. Komuniteti musliman në Kinë,
10
Japoni, Indonezi, Indi, Afrikë, tregon se vetëm
Islami mund të ndikojë tek popujt dhe racat e ndryshme. Nëse i vështrojmë më mirë dallimet ndërmjet
Lindjes dhe Perëndimit të sotëm, do të kuptojmë se
shpëtimi nga këto dallime qëndron vetëm në Islam”.
Pra, ka ardhur koha që t’i kthehemi historisë përsëri,
t’i përmirësojmë gabimet e bëra, ta njohim më për
së afërmi atë që na dërgon përpara si qenie njerëzore
dhe si shoqëri, dhe atë që na ka ulur nderin dhe po
na kthen prapa në kohë edhe përkundër teknologjisë
së arritur. Ta barazpeshojmë anën materiale dhe atë
shpirtërore, të gjejmë një mes që na shpie deri tek
lumturia dhe qetësia. Të mos mbetemi shurdhmemecë, thuthuqë e të verbër duke mos dashur të kuptojmë se çfarë po ndodhë përreth nesh. Të mendojmë
më tepër… Shkrimin e përfundojmë me fjalët e të
Plotëfuqishmit, Zotit të gjithësisë: “Vërtetë Allahu
urdhëron drejtësi, bamirësi dhe t’u ndihmohet të
afërmve, e ndalon imoralietin, veprat e shëmtuara dhe dhunën. Ju këshillon ashtu që të merrni
mësim”. (Kaptina: Nahl; ajeti: 90)
Referencat:
___________________________
1. Kur’an-i, përkthim me komentim në gjuhën shqipe, përktheu dhe komentoi: Sherif Ahmeti, Medinë
1992.
2. Musavillari, Sejjid Muxhteba, “Islami dhe civilizimi perëndimor”, sh.b. “Drita e Jetës”, Gjilan 2008.
3. Halid, Amër, “Përmirësimi i zemrave”, sh.b. “Furkan ISM”, Shkup 2006.
Bardha KQIKU/ II