كل كلمة فى الإنجيل بتقولك خبر مفرح جدا :
( ربنا بيحبك اوى .. حتى لو كنت بتغلط ، عنيد ، مقصر ، مهما تكون حالتك ، انت محبوب ) الكتاب المقدس بكل قصصه و احداثه و نبواته ، موضوعه الأساسي :
« هكذا احب الله العالم حتى بذل اينه الوحيد لكى لا يهلك كل من يؤمن به بل تكون له الحياة الأبدية »
احنا مش مدفوع فينا مليار دولار .... احنا مدفوع فينا دم المسيح اللي ملوش تمن .... انت مش مقدر انك اتولدت مسيحي .. انت مش قدر انك بتتناول .. انت مش مقدر كفاية يعني ايه بتقول « أبانا الذي في السموات ...« انت مش مقدر ان اسمك اتكتب في السما و انت مادفعتش حاجة ... لو قدرت دا كله .. مش هتعرف تعمل حاجة غير انك تشكر ..... لو انت بتصلي كويس .. هتشكر لوحدك ... لما تقرا الإنجيل كتير ... هتشكر لوحدك .... لما تتناول كتير ... هتلاقي الشكر طالع لوحده ....
لو انت بتحب ربنا قوي من حقك تدلع عليه .. يا رب فهمني عايز تقول ايه .. ربنا معاك طول الوقت .. بس انت مش واخد بالك .. تلذذ بالرب فيعطيك سؤل قلبك ..
اللي بيزن على ربنا لازم ياخد ..
مش ممكن واحد يزن يقوله سمعني صوتك ويقوله لا مش هقولك .. ولا واحد يقوله بزن ريحني وميرحهوش .. فرحني وميفرحهوش .. مش ممكن ..
بس احنا مش غاويين زن ..
عايز ربنا ؟ عايز تشوفه ؟ عايز تلمسه ؟ عايزه يرد عليك ؟ عايز تحس بيه ؟ عايزه يشبعك ؟ اشكي نفسك .. قوله أنا جعان حب وجعان أمان .. مش عايز اخد حاجة من الناس .. انت أبويا .. انت اللي تديني وانت اللي تشبعني .. مش عايز احتاج حاجة ..
18