كلام ربنا زى العسل ... ليه ؟ لأنه بيدفيني ... بيفكرني كل يوم بحقيقة الشيطان مصمم انه ينسيهاني ! بيقول ربنا بيحبك مهما عملت ... الشيطان بيقول ( ربنا كرهك لان كلك خطية (..... كذب .. كل دا كذب ... الانجيل بيقول ربنا بيحبك .... انت محبوب ....
ربنا بيأدب أغلى أولاده ، وكل تأديباته حب و ليست عقاب ... « يا ابني لا تحتقر تأديب الرب ..« لما تبقى حياتك فيها مشاكل و حاجات ملخبطه قول له : اشكرك يا رب انك بتأدبني ... اشكرك ... ادبني يارب و لكن إل الموت لا تسلمني ... أدبنى و لكن لا تؤديني غضب .. المهم تكون راضي عني ... لو شديت عليا اسندني .. علشان اعدي اليومين دول على خير و اخد الفايدة ... لكن مهما حصل هتفضل انت يارب أبويا ...
احنا متخلقناش عشان نعيش في الدنيا دي .. احنا اتخلقنا عشان السماء .. لما الدنيا تضيق قوي بنضطر نبص للسما .. السماء هي اللي تخليك .. تقبل .. تصلي .. تتعزى ثم تخدم .. الضيقات تزقك على السماء .. ولا واحد فينا حياته سهلة عشان ربنا بيحبنا .. لو في التجربة هتبص على الناس .. هتزيد التجربة .. التجربة هتوجعك أكتر .. بتعذب في روحك .. بص على اللي ورا .. ربنا سامح بكدا ليه ؟؟ عشان يظبطك .. عشان يدخلك السماء ..
19