Laugavegsganga HRFÍ
Höfundur: Svava Björk Ásgeirsdóttir
Ljósmyndir: Ágúst Ágústsson og Pétur Alan Guðmundsson
Laugavegsganga Hundaræktarfélags Íslands var farin þann 10.
október síðastliðinn. Arkað var af stað í blíðskaparveðri frá Hlemmi
og var mæting ferfætlinga og eigenda þeirra góð. Lúðrasveit
Austurbæjar og Ragnar Sigurjónsson voru fremst í flokki og vakti
gangan mikla athygli og lukku meðal vegfarenda í miðbænum.
Þetta er sérlega skemmtileg hefð sem búið er að endurvekja hjá
félaginu og vonandi verður þátttakan enn meiri næst, enda er hér
um frábæran viðburð að ræða fyrir hundana, hundaeigendur og
fjölskyldur þeirra, og ekki síst fyrir samfélagið. Hundar eru hluti
af fjölskyldulífi hundaeigenda og ekkert nema sjálfsagt að bera
boðskapinn út á meðal fólks og vera sýnileg!
22 · Sámur 3. tbl. 42. árg. desember 2015