Þjónustuhundur ársins
Eldeyjar Hugi
er þjónustuhundur ársins 2015
Flest útköll sem Hugi fer í eru leitarútköll á
höfuðborgarsvæðinu, hálendinu og á þekktum gönguleiðum
úti á landi. Á hálendinu er aðallega leitað eftir týndum eða
slösuðum ferðamönnum. Í þéttbýli er helst leitað að ungum
börnum eða fólki með alzheimer.
Hugi hefur farið í ótal útköll á þessum sex árum á útkallslista.
Meðal annars kom Hugi að stórri leit á Sólheimajökli en í
það skiptið var leitað að sænskum ferðamanni. Þessi leit var
sérstaklega hættuleg þar sem jökullinn var erfiður yfirferðar,
með djúpar sprungur og mjög háll. Hugi fór í sína fyrstu
vatnaleit í Skagafirði en þá var hann um borð í slöngubát
sem siglt var um ósa Hofsóss. Eitt útkall er sérstaklega
eftirminnilegt en þá var Hugi var sendur með þyrlu norður í
land til þess að leita að týndum gangnamanni sem hafði
verið við smölun. Þegar þyrlan var lent og verið var að setja
upp leitarsvæði fyrir teymið fannst maðurinn og fór Hugi með
þyrlunni aftur til Reykjavíkur.
Hugi fæddist 25. ágúst 2007 og er því orðinn átta ára gamall.
Hugi kom á núverandi heimili sitt átta vikna og hóf þjálfun
hjá Leitarhundum Slysavarnarfélagsins Landsbjargar aðeins
þriggja mánaða gamall. Hann lauk fyrsta leitarprófi sínu sev
mánaða gamall (2008) en það var C-próf í snjóflóðaleit. Síðar
sama ár lauk hann C-prófi í víðavangsleit, þá tæplega eins árs.
Hann komst á útkallslista hjá björgunarsveitunum eftir B-próf
í snjóflóðaleit 18 mánaða (2009) og á útkallslista síðar sama
ár í víðavangsleit þegar hann lauk B-prófi tæplega tveggja
ára gamall. Árið eftir (2010) lauk hann A-prófi í snjóflóða- og
víðavangsleit og var þá orðinn fullþjálfaður leitarhundur og
hefur síðan þá viðhaldið A-prófi með endurmati og verið á
útkallslista alla tíð bæði í snjóflóðaleit og víðavangsleit.
Hugi þykir afburðagóður leitarhundur. Schäfer er þekktur fyrir
að vera mjög húsbóndahollur og því telst sjálfstæði Huga í
víðavangsleit sérstakt fyrir hunda af hans tegund. Síðustu
ár hefur Hugi verið eini schäferhundurinn á Íslandi sem er á
útkallslista björgunarsveitanna. Einnig er hann mjög öruggur í
leit og lætur ekkert trufla sig, svo sem fólk eða hunda, önnur
dýr, farartæki og svo framvegis. Hann hefur ávallt lokið öllum
leitarprófum eins ungur og mögulegt er og án athugasemda.
Hugi hefur einnig sinnt fjölmörgum öðrum sjálfboðaliðastörfum með björgunarsveitinni. Hann hefur til að mynda
farið nokkur sumur í hálendisgæslu björgunarsveitanna og
tekið þátt í sölu neyðarkallsins.
Hugi starfar sem áður sagði með Leitarhundum og
Björgunarsveitinni Ársæl í Reykjavík og mun gera það áfram
á meðan hann hefur heilsu til. Eigandi hans og þjálfari er
Theodór Bjarnason.
Sendum út á land