Þór Eymundsson frá Hollandi. Í ár var
samþykkt tillaga DÍF að ávallt skuli
vera í nefndinni fulltrúi heimalandsins
og nefndina skipa nú Ingbritt Sannel
frá Svíþjóð, Guðríður Þorbjörg Valgeirsdóttir frá Íslandi, Katariina Jarkko
frá Finnlandi og Svend Brandt Jensen frá
Danmörku.
Gagnagrunnur
Frá upphafi var lögð áhersla á að
finna tölvuforrit þar sem hægt væri
að setja saman heildarstofn íslenska
fjárhundsins og fá þannig betri
yfirsýn yfir stofninn. Öll löndin nota
nú ræktunarforritið LatHunden en
höfundur þess, stofnerfðafræðingurinn
Dr. Per-Erik Sundgren, greindi stöðu
heildarstofns íslenska fjárhundsins og
hélt fyrirlestur á ráðstefnu ISIC árið
2006. DÍF bauð Sundgren til Íslands
árið eftir og hélt hann fyrirlestur sinn
hér á landi og gaf leyfi fyrir því að
greinar hans væru þýddar og birtar í
blaði félagsins, Sámi. Sundgren lagði
ávallt mikla áherslu á mikilvægi þess
og nauðsyn að líta á stofn íslenska
fjárhundsins, hvar sem er í heiminum,
sem eina heild og nauðsyn þess að
skiptast á ræktunardýrum á milli landa
og má segja að þar speglist kjarninn í
hinu alþjóðlega samstarfi.
Pieter Oliehoek frá Hollandi hóf vinnu
að gagnagrunni ISIC þegar hann vann
að rannsókn á ættbókum íslenska
fjárhundsins en Guðni Ágústsson hélt
þeirri vinnu áfram og hefur haldið
utan um gagnagrunn ISIC frá 1998.
Guðni hefur lagt gríðarmikla vinnu í
gagnagrunninn, útbúið forrit sem heldur
utan um heildarstofninn, auðveldar
aðgengi og einfaldar ýmsa vinnu eins
og útreikninga á skyldleikastuðli.
Gagnagrunninn verður hægt að finna
á slóðinni http://www.islenskurhundur.
com sem Guðni vinnur að en [