tímabilinu 1930-1950 fluttu nokkrir
frumkvöðlar tegundina til Bretlands
og Bretar hafa síðan þá verið
leiðandi í ræktun á tegundinni ásamt
Ítölum og Skandinövum síðustu ár.
Það var svo ekki fyrr en upp úr 1960
sem chihuahua náði almennum
vinsældum og komu þær í kjölfar
sjónvarpsumfjöllunar um tegundina.
Vinsældirnar hafa aukist gífurlega
síðustu ár og stundum á kostnað
góðrar ræktunar. Það var svo
sérstaklega þegar chihuahua fór
að birtast reglulega í sjónvarpi
sem fylgihlutur stjarnanna að
tegundin fór sumsstaðar að
verða líkt og fjöldaframleidd og
markaðssetningin var sú að ekkert
þyrfti að hafa fyrir þeim og að
þeir væru hin fínustu töskudýr.
Chihuahua hefur breyst nokkuð í
útliti síðustu áratugi en í upphafi
voru hundarnir háfættari og ekki
eins þéttbyggðir og þeir eru í
dag en alltaf hefur aðalsmerki
tegundarinnar verið eplalagað
höfuð, reist eyru og skottið borið í
boga eða hálfhring yfir baki.
C.I.B. ISCh Íslands Ísafoldar Angantýr.
Tegundin á Íslandi
Fyrstu
chihuahua-hundarnir
voru fluttir til landsins frá
Norðurlöndunum árin 1994 og
1995 og hefur því tegundin verið hér
í 20 ár. Sjö hundar mynda grunninn
að tegundinni hér á landi, þeir eru;
Bonny-Bell Stay Happy go Lucky,
Mars-Viola Canina, Bubbelina’s
Empty Pockets, Hollanli’s Christal
Estevan, Tiddy’s Panama, BonnyBell Masked Bandito og Bel Ami
Chis’s I’m the Boss. Fyrsta gotið á
Íslandi fæddist að Brjánsstöðum
árið 1995 en upp úr því fór að bera
mun meira á tegundinni en þó mest
síðustu ár enda stofninn orðinn mun
stærri með auknum innflutningi og
ræktun. Frá upphafi skráningar hafa
yfir 500 chihuahua-hundar verið
skráðir með ættbók frá HRFÍ og
má áætla að stofnstærðin sé um 300
dýr í dag. Sigursælasti chihuahuahundur á sýningum HRFÍ var
Íslands-Ísafoldar Angantýr, hann
náði þeim árangri að verða tvisvar
besti hundur sýningar (BIS) en það
var árin 1998 og 2000.
skal vera orkumikill, árvökull og
bera bæði höfuð og skott hátt.
Stærð chihuahua er aðeins mæld í
þyngd og skal hundurinn vega frá
500 gr upp að 3 kg en kjörþyngd er
á milli 1,5-3 kg. Hundar yfir 3 kg eru
afar óæskilegir í ræktun. Einnig er
ekki mælt með því að rækta undan
tíkum sem vega ekki meira en 1800
gr. Oft er chihuahua ekki kominn í
fulla þyngd fyrr en á milli 2 og 3 ára
aldurs en þá kemur vöðvafyllingin
oftast fram.
Útlit
Aðalsmerki chihuahua er eplalagað
höfuðið, reist eyrun og skottið
sem er borið í boga eða hálfhring
yfir bakið. Hundurinn skal vera
þéttbyggður og örlítið lengri en
hann er hár. Mjög eftirsótt er að fá
fram hund sem er nánast ferhyrndur,
þá sérstaklega rakka en tíkurnar
mega vera aðeins lengri. Trýnið á
að vera stutt og beint og ennið að
bunga örlítið yfir rót trýnisins. Bitið
skal vera skærabit eða tangarbit
(jafnt bit) en undirbit, yfirbit eða
hvers konar óeðlilegt bit er verulega
óæskilegt. Augun skulu vera stór en
ekki útstæð, sýna mikil svipbrigði og
vera mjög dökk. Ljósari augu eru
leyfileg en ekki eftirsótt. Eyru eiga
að vera stór, upprétt, vel opin og
með 45° halla. Eins og áður segir
skal hundurinn vera þéttbyggður
og sterklegur, þá sérstaklega
rakkarnir, með nokkuð stutt beint
bak, mitti og brjóstkassinn á ekki
að vera tunnulaga. Skottið skal
vera sett hátt, breitt við rót og
mjókka fram og ætíð skal það vera
uppi á hreyfingu en aldrei á milli
fótanna eða hringað fyrir neðan
baklínu. Chihuahua á hreyfingu
Stjörnuskins Kormákur og Íslands-Ísafoldar
Jamm Jamm. Ljósm. Bjarki Már Gunnarsson.
Allir litir eru leyfðir í tegundinni
og allar litasamsetningar en búið
er að banna svoka