Schäfer og labrador retriever
Hin finnska, Saija Juutilainen, hefur dæmt hér á landi áður og sagðist hafa notið
helgarinnar. Hún var sátt með hringinn sem labrador retriever-hundarnir voru
sýndir í en hefði viljað hafa stærri hring fyrir schäfer.
Saija dæmdi fjölmarga schäfer-hunda fyrri dag sýningarinnar og kvaðst ánægð
með gæði tegundarinnar í heild og sagði flesta hundana hafa hreyft sig mjög
vel. Einnig var hún hrifin af afkvæma – og ræktunarhópunum sem hún dæmdi
í tegundinni. ,,Það kom mér líka skemmtilega á óvart að síðhærðu schäferhundarnir eru mun betri hér á Íslandi heldur en í Finnlandi.”
Saija dæmdi fjölmennustu tegund sýningarinnar, labrador retriever, seinni dag
sýningarinnar en þess má geta að hún hefur ræktað tegundina og þekkir hana því
vel. ,,Ég leitaði sérstaklega eftir tegundareinkennum eins og fallegu höfði, réttri
feldgerð, dæmigerðri byggingu og góðri skapgerð.” Hún var mjög ánægð með
hundana sem sigruðu í öllum flokkum hjá henni og sagði þá alla hreyfa sig vel,
með réttan svip, rétta feldgerð og gott skap. ,,Mér fannst þó leiðinlegt að geta
ekki gefið hundunum í vinnuhundaflokki betri dóm en því miður voru þeir ekki
nógu góðir. Labrador á að vera glaður, sterklega byggður og skapaður til þess að
vinna. Hann á að hafa góð og sterkleg bein og mjög góðan líkama sem þolir vel
kalt vatn og margra daga vinnu. Hann á alls ekki að vera með veika kjálka og létt
og mjó bein. Þessir hundar eiga að geta sótt stóra fugla og þar af leiðandi þarf
kjafturinn á þeim að vera sterklega byggður.” Hún dæmdi einnig aðra retrievertegund, flat-coated retriever, en aðeins tvær tíkur í meistaraflokki voru skráðar til
leiks. ,,Ég var mjög hrifin af þeim báðum. Þær voru af réttri stærð, með sérlega
falleg höfuð og hreyfðu sig báðar vel.”
Tegundahópar 7 og 8
Saija dæmdi úrslit í tegundahópum 7 og 8. ,,Ég var mjög hrifin af báðum vorstehhundunum, bæði þeim strýhærða og snögga. Þeir hreyfðu sig mjög vel. Írski
setterinn var af góðri tegundargerð að hennar mati. ,,Liturinn á weimaraner var
mjög góður en mér fannst hann í þyngri kantinum. Þrátt fyrir það var þetta
heilbrigður hundur með góða skapgerð.” Hún dæmdi enskan setter og sagði þá
mjög ójafna. ,,Þetta er mjög algengt í Skandinavíu, þeir eru annað hvort af vinnu
– eða sýningartegundargerð. Þeir ættu að vera þarna mitt á milli, að mínu mati.”
Labrador-tíkin stóð upp úr í tegundahópi 8 að mati Saiju og endaði í 3. sæti í
úrslitum um besta hund sýningar. ,,Hún var í svo góðum og jöfnum hlutföllum og
hreyfði sig virkilega vel. Topplínan var góð bæði þegar hún stóð og á hreyfingu.”
Besti hvolpur sýningar á
laugardegi 4-6 mánaða
Ljúflings Kiljan
Cavalier king charles
spaniel
Eigandi/ræktandi:
María Tómasdóttir
Besti hvolpur sýningar á
laugardegi 6-9 mánaða
Gullroða Bína
Shih tzu
Eigandi/ræktandi:
Ingibjörg Jafetsdóttir
Besti hvolpur sýningar á
sunnudegi 4-6 mánaða
Sunnusteins Hrina
Íslenskur fjárhundur
Eigandi/ræktandi:
Þorsteinn Thorsteinson
Besti hvolpur sýningar á
sunnudegi 6-9 mánaða
Stekkjardals Emil í Kattholti
Border terrier
Eigendur/ræktendur:
Erla Heiðrún
Benediktsdóttir &
Guðmundur Rúnar Árnason
Margir fallegir í úrslitum
Saija sagðist hrifin af flestum hundunum sem kepptu til úrslita um besta
hund sýningar. ,,Auðvitað á maður sér alltaf einhverja sem eru í uppáhaldi.
Dvergschnauzerinn var af góðri stærð með sterka topplínu. Tíbet spaniel-tíkin var
með mjög fallegt höfuð, af góðri stærð, með góða topplínu og hreyfði sig vel. Í 3.
sæti var labrador-tíkin sem ég dæmdi og í því 4. fallegur silky terrier.” Saiju fannst
langhundurinn úr tegundahópi 4/6 mjög fallegur og einnig hjartarhundurinn úr
tegundahópi 10. ,,Hjartarhunds-tíkin var svo falleg og dæmigerð fyrir tegundina
að öllu leyti. Hún hreyfði sig mjög vel og það er svo sannarlega ekki auðvelt að
rækta svo fallegan hjartarhund.”
Besta par sýningar
á laugardegi
Chihuahua
ISC