Ljósm. Kristín Jóna Símonardóttir.
Vinnuhundadeild HRFÍ
Fjallað hefur verið um hlýðni I og II í síðustu tölublöðum Sáms. Að þessu sinni
verður fjallað um æfingar sem tilheyra hlýðni III. Til að þreyta próf í hlýðni III þarf
að ná 1. einkunn í hlýðni II-prófi.
Æfing 1: Hundarnir sitja saman í 1 mínútu með
stjórnendur sína í augnsýn. Stjórnendur stilla sér upp með
hundana í upphafsstöðu með 3 metra millibili. Þeir gefa
hundunum merki um að vera kyrrir og ganga u.þ.b. 20
metra frá þeim, snúa við og stoppa. Þegar allir stjórnendur
hafa stoppað hefst tímatakan. Þegar tíminn er liðinn fá
stjórnendur merki um að ganga til baka að hundunum.
Ekki er hægt að framkvæma þessa æfingu með færri en
þremur hundum.
Æfing 2: Hundarnir liggja saman í 3 mínútur með
stjórnandann úr augnsýn. Þegar hundarnir eru látnir
leggjast er það gert þannig að einum stjórnanda í einu
er gefið merki um að láta sinn hund leggjast. Þegar allir
hundarnir eru lagstir er stjórnendum gefið merki um að
ganga burt í skjól, úr augnsýn, og bíða þar í 3 mínútur.
Tímataka hefst þegar stjórnendur eru komnir úr augnsýn.
Þegar tíminn er liðinn fá stjórnendur merki um að
ganga aftur fyrir hunda og svo að þeim. Síðan er einum
stjórnanda í einu gefið merki um að skipa hundinum
20 · Sámur 2. tbl. 38. árg. september 2014
sínum í upphafsstöðu. Ekki er hægt að framkvæma
æfinguna með færri en þremur hundum og ekki fleiri en
sex hundum.
Æfing 3: Hælganga án taums. Hún er framkvæmd líkt
og í hlýðni II nema hér er krafist meira af stjórnanda
og hundi. Æfingin skal innihalda mismunandi hraða
og beygjur ásamt stöðvun á göngu. Einnig beygjur á
mismunandi hraða, snúning á staðnum og 2-3 skref
í mismunandi áttir. Hundurinn skal vera fljótur og án
skipunar í upphafsstöðu í hvert sinn.
Æfing 4: Að sitja á göngu. Hún er framkvæmd eins
og æfingin „standa á göngu“ í hlýðni I og II nema hér
skal hundurinn setjast en ekki standa. Stjórnandinn
gengur með hundinn lausan á hæl um 10 metra og skipar
hundinum að setjast. Stjórnandinn gengur áfram um 10
metra, snýr við og stoppar og gengur svo til baka tvö
skref aftur fyrir hundinn. Æfingin endar á 3 metra lausri
hælgöngu.