að havanese-ræktendur ættu að leita til Svíþjóðar eftir nýju blóði. Coton de
tuléar voru sumir hverjir ekki með rétta feldgerð og skottstaðan var einnig
röng. Yorkshire terrier voru af misjöfnum gæðum að hans mati en hann
dæmdi þá einnig fyrir nokkrum árum hér á landi.
Tegundahópur 5 misjafn
Hann dæmdi allar tegundir í tegundahópi 5 að undanskildum íslenskum
fjárhundi og siberian husky. Chow chow voru að hans mati of litlir og skapgerð
þeirra var ekki í lagi að mati Arne. Enginn chow chow var valinn besti hundur
tegundar. Samoyed voru flestir feldlitlir og alaskan malamute náðu ekki að
hrífa hann neitt sérstaklega. Pomeranian voru í lagi yfir heildina en hann var
þó ekki heillaður. „Í Noregi og Svíþjóð eru mjög margir fallegir pomeranianhundar en því miður fann ég engar stjörnur hér.“ Tveir norskir lundahundar
voru skráðir til leiks og var Arne mjög hrifinn af þeim en þess má geta að
þeir eru þeir fyrstu sinnar tegundar hér á landi. „Þeir voru báðir af miklum
gæðum og var ég mjög hrifinn af besta hundi tegundar. Það er frábært að
þessir tveir hundar séu þeir fyrstu hér á landi, enda virkilega góðir fulltrúar
tegundarinnar.“
Tegundahópur 5, 1. sæti
siberian husky
ISCh Múla Hríma
Eigendur: Olga Rannveig Bragadóttir og Haraldur K. Hilmarsson
Ræktandi: Steindór V. Sigurjónsson
Fallegir boxer og st. bernharðshundar
Arne kvaðst mjög ánægður með boxer í heild og voru margir hundar af
miklum gæðum. „Mér fannst skapgerðin frábær og svo fannst mér margir
með falleg höfuð.“ Það sama sagði hann um st. bernharðshundana. „Þeir
voru frábærir! Bestu hundar tegundar í bæði stutt- og síðhærðum voru mjög
fallegir. Mér fannst eins og ég hefði séð þann síðhærða áður og hafði rétt fyrir
mér. Það er skemmtilegt að segja frá því að hann sigraði tegundahóp 2 hjá
mér í Noregi!“
Gæði schäfer voru mjög góð yfir heildina, í báðum feldafbrigðunum. „Mér
fannst rakkarnir almennt betri en tíkurnar. Ég hafði gaman af því að dæma
marga fallega hvolpa innan tegundarinnar.“ Arne var sérlega hrifinn af
besta hundi tegundar í welsh corgi permbroke sem varð þriðji besti hundur
sýningar.
Arne dæmdi úrslit í tegundahópum 4/6 og 5. „Ég var mjög hrifinn af báðum
langhundunum í 1. og 2. sæti í úrslitum í tegundahópi 4/6. Mér fannst
tegundahópur 5 nokkuð sterkur og var ánægður með sigurvegarann minn
sem endaði sem besti hundur sýningar.“
Tegundahópur 7, 1. sæti
weimaraner
RW-13 C.I.E. ISShCh Trubon Cino Trounce
Eigandi: Hulda Jónasdóttir
Ræktandi: Miss S E Burton
Hvolpar og öldungar
Hann dæmdi einnig besta hvolp dagsins í yngri flokki seinni dag sýningarinnar
sem og úrslit um besta öldung sýningar. „Allir hvolparnir sem urðu í
verðlaunasætum komu úr tegundahópi 9. Tíbet spaniel-tíkin sem sigraði
var virkilega falleg, með góða topplínu og skemmtilegt skap. Hún þarf meiri
tíma til að þroskast en er virkilega lofandi.“ Honum fannst mikill heiður að
fá að dæma öldungana en besti öldungur sýningar var schäfer-tík sem varð
besta tík tegundar hjá honum. „Þetta var 8 ára tík sem hreyfði sig mjög vel.
Hún var með mjög góða topplínu og hreyfingarnar nutu sín enn betur í stóra
hringnum.“
Að mati Arne voru hundarnir í úrslitum um besta hund sýningar virkilega
fallegir. „Það voru 6-7 sem hefðu getað komist í verðlaunasæti að mínu mati.
Ég var mjög hrifinn af siberian husky, weimaraner-tíkin varð betri og betri, ég
var hrifinn af corgi og dvergschnauzer sömuleiðis.“
Arne vildi að lokum gefa okkur þau ráð að fá nýtt blóð í sumum tegundum.
„Þið eruð samt á réttri braut í mörgum tegundum, til dæmis í schäfer, siberian
husky, boxer og fleirum.“
Tegundahópur 8, 1. sæti
enskur springer spaniel
ISShCh RW-13 Lokkur frá Götu
Eigandi og ræktandi: Edda Janette Sigurðsson