Stabilis December 2017 STABILIS December 2017 | Page 10
[sPorT]
Results
10
PAUL ROOS
INTERSKOOL
Rugby
Eerstespan
Cherries
Derdespan
Vierdespan
Vyfdespan
Sesdespan
Sewendespan
Agtstespan
Negendespan
o/16 A
o/16 B
o/16 C
o/16 D
o/15 A
o/15 B
o/15 C
o/15 D
o/14 A
o/14 B
o/14 C
o/14 D
wen
wen
verloor
wen
verloor
verloor
wen
wen
gelykop
wen
wen
wen
wen
verloor
wen
wen
wen
wen
wen
wen
wen
30-28
24-21
12-14
27-15
15-20
17-31
14-12
24-14
24-24
45-27
12-5
30-20
25-5
14-34
34-13
38-10
34-13
55-8
10-3
19-5
47-0
Hokkie
Eerstespan
Tweedespan
Derdespan
Vierdespan
o/16 A
o/16 B
o/16 C
o/16 D
o/16 E
o/14 A
o/14 B
o/14 C
verloor
gelykop
verloor
verloor
verloor
verloor
wen
verloor
verloor
verloor
wen
verloor
1-3
0-0
1-5
2-8
0-2
1-3
2-0
0-1
1-5
0-3
4-0
1-2
Gholf
Eerstespan
Tweedespan
Derdespan
Vierdespan
verloor
verloor
verloor
wen
2-7
2-4
2-4
4-2
Tennis
Eerstespan
Tweedespan
o/15 A
o/15 B
wen
verloor
wen
verloor
5-4
4-5
8-1
4-5
sTaBILIS
S
STABILIS Grey Kollege Sekondêr Desember 2017
SA Skole-spelers groei aan
tot 'n totaal van 95
Rugbyfabriek se monteerbaan bly produseer
'n Ongelooflike eer en prestasie het
Grey weer te beurt geval toe drie
spelers; Rikus Pretorius (senter),
Christopher Schreuder (losskakel) en
Ruhan Greyling (haker) ingesluit is in
die Suid-Afrikaanse Skole-rugbyspan.
Rikus Pretorius is een van slegs twaalf
Grey-r ugbyspelers wat die SA
Skolespan twee jaar na mekaar kon
verteenwoordig.
Hierdie drie spelers het Grey en
Suid-Afrika gedurende Augustus in 'n
toetsreeks teen Wallis, Engeland en
Frankryk verteenwoordig, waar-
tydens die span nie sukses kon behaal
nie. Die uitslae is as volg: verloor teen
Wallis (28-30), Engeland (22-52) en
Frankryk (13-18).
Volgens Rikus Pretorius, onder-
kaptein van die SA Skolespan, was die
span net nie goed genoeg nie en sou
dit 'n groot rol gespeel het om meer
tyd saam met mekaar te kon spandeer
om saam te oefen.
Die SA Skolespan se tempo
verskil baie van dié van Grey. Dit is
baie stadig en baie meer fisiek en dit
was hulle taktiek dié jaar om baie meer
te skop. 'n Taktiek wat nie veel sukses
vir die span behaal het nie.
Grey het vanaf 1974 tot en met
2017 reeds 95 SA Skolespelers opge-
lewer, 'n uitmuntende prestasie,
waarvan 20 spelers ook later tot in die
Springbokspan gevorder het.
Belowende rugbyspelers van
Grey se eerste rugbyspan kan hulself
ongelukkig ag dat daar hierdie jaar nie
'n SA Skole A-span gekies is nie.
Vir enige Grey rugbyspeler is dit
'n doelwit om vir die SA Skole-
rugbyspan gekies te word. Nie net kan
dit vir jou deure oopmaak nie, maar is
dit ook goeie ondervinding as jy na
skool 'n loopbaan in rugby wil volg.
Harde werk is dus die sleutel tot
sukses.
- DE WET MARAIS
Rikus Pretorius, SA Skole-senter in 2016 en 2017.
Foto: Verskaf
Pool-presteerders
laat wapper die
skool se vlag in
verre Rusland
Franco Kriel en Mundus Grové is
onlangs gekies om aan die “World
Junior 9-Ball”-kampioenskap in
Moskou, Rusland deel te neem.
Die kompetisie is gehou van 30
Oktober tot 2 November 2017. Hierdie
prestasie het nie in hulle skoot geval
sonder besondere harde werk nie. Hulle
oefen tussen 14 tot 18 ure per week en
neem soveel as moontlik aan kompe-
tisies deel.
Albei van hulle spog reeds met 'n
hele rits titels, wat strek van provinsiale
vlak tot by o/23 nasionale vlak.
Mundus, sowel as Franco, het ook reeds
hul Protea-kleure verwerf in verskeie
afdelings van pool.
Franco en Mundus is dit eens dat
jy nooit te jonk is om te begin speel nie.
Franco het op die jong ouderdom van 5
jaar reeds met hierdie sport kennis
gemaak. Franco sê: “Jy kan 'n loopbaan
maak van hierdie geweldige uitdagende
sport - mits jy bereid is om baie hard te
werk. Toewyding en passie vir die spel is
ook nie onderhandelbaar indien jy
sukses wil behaal nie”.
Die tweemanskap hoop albei om
eendag die nommer 1-posisie in die
wêreld te beklee en die wêreld plat te
reis as professionele spelers. Vir dié
twee spelers is geen droom te groot of
nie haalbaar nie. Met hul positiewe
gesindheid is die pad na 'n professionele
loopbaan bloot 'n formaliteit.
Grey se pool (potspel) het
duidelik 'n blink toekoms met spelers
van dié kaliber, wat kan raad en leiding
gee aan die nuwe entoesiatiese spelers.
Hierdie is net nog 'n bewys van Grey se
diversiteit.
Dit was nog altyd die skool se
beleid om seuns aan te moedig om
voluit betrokke te wees by enige
sportsoort van hul keuse. Hierdie
sportsoorte hoef nie noodwendig deur
die skool aangebied te word nie. Hierdie
seuns kry steeds die geleentheid om
Grey te verteenwoordig op 'n interna-
sionale verhoog.
- WJ MARAIS
Atletiekseisoen kom weer vinnig uit die blokke
Die Grey/OMS Uitnodigings-
Atletiekbyeenkoms is op 13 Oktober
vir die 19de agtereenvolgende jaar
aangebied.
Die byeenkoms het die nuwe
atletiekseisoen behoorlik afgeskop.
Grey en Oranje tree op as gesamentlike
gasheer vir 29 skole en 1185 atlete.
Daar het in totaal 55 van die
Grey-atlete deelgeneem en geensins
met hul prestasies teleurgestel nie. Grey
behaal sewe goue en nege silwer
medaljes.
Van die 22 nuwe rekords wat
tydens die byeenkoms opgestel is, is drie
deur Grey-seuns opgestel. Uitsonder-
like prestasies is deur die volgende Grey
atlete behaal:
DJ Liebenberg (o/14) behaal 'n
1ste plek in Diskus met 'n rekord-
afstand van 56.09m, 'n 2de plek in
Gewigstoot en word as beste junior
veldatleet van die byeenkoms aangewys.
Lucky Moleyane (o/14) behaal twee
eerste plekke in die 100m en 200m. Hy
skitter in die 200m deur die 18 jaar-oue
rekord van LJ van Zyl met 0.19s tot
22.41s te verbeter.
Katleho Chabanyane (o/15) wen
die 100m hekkies en word as die beste
junior baanatleet aangewys.
Herman Agenbag (o/17) kom
eerste in die Diskus en Gewigstoot.
Jannes Schlebusch (o/17) word as
beste seunsatleet van die byeenkoms
aangewys met sy rekordgooi van
75.87m in die Spiesgooi.
Hierdie atlete praat saam met
oud-Greys soos Wayde van Niekerk,
Johan Cronjé en LJ van Zyl, wat in die
verlede aan hierdie byeenkoms deelge-
neem het. “Ek is baie tevrede met my
gooi, maar glo dat ek selfs beter kon
doen”, sê Jannes. Vir hom staan die
uitstekende organisasie van die
byeenkoms uit.
“Die doel van die byeenkoms is
om Suid-Afrikaanse atletiek te help
bevorder, meer atlete as die top 10 van
elke skool te betrek en sodoende nuwe
talent te ontdek en te ontwikkel,” sê
mnr Marnus van Wyk, hooforgani-
seerder van atletiek by Grey.
Die byeenkoms is een van die
top-byeenkomste in die land en daarom
een van tien wat hierdie jaar as 'n
kwalifiserende byeenkoms vir die
Statebondspele in 2018 gedien het.
Grey en Oranje maak dus groot deure
met hierdie puik byeenkoms oop.
'n Uitgesoekte span het ook 'n
byeenkoms in Bredasdorp bygewoon.
- BERNHARD BÜHRMANN
Lerato Manyane (middel) het in Bredasdorp uitgeblink en is aangewys
as die tweede beste o/14-atleet van die byeenkoms.
Foto: Verskaf