Grey College Secondary April 2019
Slegte weer kon
nie ‘n demper op
byeenkoms se
gehalte plaas nie
Dit was nie net die weer wat vir
drama gesorg het tydens die eerste
Dreyer Campbell Atletiekbyeenkoms
aan die begin van Februarie 2019 nie.
Hierdie byeenkoms het plaasgevind
in Pretoria in die middel van die
somer-reënval-seisoen.
Donderweer het die byeenkoms
vir ‘n redelike tyd lank onderbreek
en daarna is dit op ‘n redelike nat
baan voortgesit, alhoewel sommige
items nie kon plaasvind nie. Die
byeenkoms wat aangebied is deur
Hoërskool Waterkloof by Tuks, het
egter steeds vir opwindende atletiek
gesorg.
Atlete uit vier provinsies het
aan die byeenkoms deelgeneem
en volgens mnr. Anton Smit, hoof
van atletiek by die skool, is dit die
ideale geleentheid vir seuns van Grey
Kollege om hulle talente teen ander
top-skole in die land te meet.
Hierdie skole het ingesluit
Afrikaanse Hoër Seuns- en Meisies
van Pretoria, Hoërskool Nelspruit,
Hoërskool Kemptonpark, Wynberg
Boys High van Kaapstad, Zwartkop
Christian School en die TUKS
‘Academy’.
Soos altyd het die 68 Grey-
manne hulle uitstekend op en van die
baan van hulle taak gekwyt. Wikus
Vosloo, die spankaptein sê: “Ek was,
soos altyd, trots daarop om deel van
hierdie geleentheid te kon wees. Die
manne het hulle goed van hul taak
gekwyt”.
Een van ons atlete wat besonder
goed presteer het, is Xander Human
(o/14), wat met ‘n afstand van
48,76m in die diskus-item, 1200
punte op die ABSA tabel behaal
het. Slegs drie atlete konhierdie
besondere prestasie behaal.
- JURIE GELDENHUYS
[sporT]
Selborne-sege wys dat goeie
vordering volhoubaar is
Vides-toernooi se vyfde plek is die beloning
Franco Labuschagné is een van die uitblinkers in die eerstespan.
Sukses is behaal in die afgelope
Selborne Vides Waterpolo toernooi,
onder die leiding van ‘n nuwe breier.
Die kapteins van die eerste
waterpolospan, Daniel Williams,
JP Seyffert en Enrico Coetsee is dit
eens dat die sukses wat behaal
word, toegeskryf kan word aan die
nuwe afrigter David Mackenzie, ‘n
skitterende speler in eie reg, asook
‘n prominente persoon in nasionale
waterpolo-kringe. Hul sê die Vides-
naweek se sukses kan toegeskryf
word aan goeie afrigting, harde
werk, fiksheid en broederskap in die
water. Die manne het met reg gesê,
dit was eers met ongeloof en toe met
absolute vreugde, dat hul besef het
hul het vir Selborne vir die eerste
keer kon wen, sover vasgestel.
Die span het ‘n skitterende
5de plek behaal uit 20 van die top
waterpolo-skole. Hulle poging om
vir die finaal te kwalifiseer is egter
gekniehalter deur naelskraapse
nederlae teen Grey Port Elizabeth en
Foto: Eduard Büchner
Paul Roos, wat albei onder die top 10
spanne in die land is. Die drie graad
12-leerders is baie opgewonde oor
die toekoms van Grey se waterpolo
en sê dat daar baie diepte in die span
is onder die jong spelers. Enrico sê:
“Ons het ‘n baie goeie spangees. Ons
glo dat dit ons kan lei om verdere
doelwitte te behaal, soos om ‘n
medalje vir Grey huis toe te bring en
om onder die top 10 skole te wees
aan die einde van die 2019-seisoen”.
- WJ MARAIS
Results
ATHLETICS
FS Championship
FIRST PLACES
Xander Human u/14 Discus
Diesel van Dyk u/14 Shot put
Ethan Muller
u/15
100m
Ethan Muller
u/15
200m
Alec McIntyre u/15
100m hurdles
Nelio May
u/15 Long jump
Aron A Aranda u/15 Discus
Aron A Aranda u/15 Shot put
Lucky Moleyane u/16
100m
Lucky Moleyane u/16
200m
DJ Liebenberg u/16 Discus
Lian vd Merwe u/16
400m hurdles
SECOND PLACES
Xander Human u/14 Shot put
Diesel van Dyk u/14 Discus
Diesel van Dyk u/14
Hammer throw
Martin Botha u/14 Javelin
JJ Holtzhausen u/14
800m
JJ Holtzhausen u/14 1500m
Aron A Aranda u/15
Hammer throw
SJ Marais
u/15
110 hurdles
SJ Marais
u/15
330m hurdles
Lian vd Merwe u/16
110m hurdles
Sebastian Meyer u/16 Javelin
J-M Trichard
u/16
400m hurdles
Jarrod Brown u/17
400m
THIRD PLACES
Reatile Sedikane u/14
100m
Jacobus le Roux u/14
100m hurdles
Jochanon Jonker u/14 Javelin
Janco Scheepers u/15
100m
Janco Scheepers u/15
200m
Delport Botha u/19
800m
Melt Meyer
u/19 Shot put
Nuwe afrigter mik na deurlopende spelstyl op hokkieveld
Grey Kollege het aan die einde van
2018 ‘n nuwe direkteur van hokkie
en eerstespan-afrigter, mnr Anthony
Woodhouse, aangestel.
Nie alleen het hy provinsiaal
van o/16-vlak reg deur tot op
senior manshokkie-vlak gespeel
nie, maar het hy ook vir ‘n seisoen
internasionale ondervinding as deel
van Royal Oree T.H.B., ‘n span in die
Belgiese Premierliga, opgedoen.
Volgens mnr Woodhouse het hy
altyd geweet dat die oorgang vir hom
van speler na afrigter baie natuurlik
sou wees. “Ek was maar nog altyd ‘n
hokkie ‘nerd’ wat regdeur my speller-
loopbaan so veel as moonltik kennis
oor hokkie wou opdoen,” sê hy.
Hy was vyf jaar aan die stuur
van Crawford College Lonehill
se eerstespan, afrigter van die
Universiteit van Johannesburg se
tweedespan in 2014 en 2015 en
assistent-afrigter van hul eerstespan
vanaf 2016 tot 2018. Hy was Suid-
Gauteng se o/16A-afrigter in 2015
en 2016 en assistent-afrigter van
Suid-Gauteng se o/18A-span in 2017
en 2018.
Die kern van mnr Woodhouse
se afrigtingsfilosofie wat hy na
Grey toe bring, is dat afrigting op
skoolvlak hoofsaaklik oor opvoeding
gaan. “Hier leer seuns vaardighede
Mnr Anthony Woodhouse bring passie en baie jare se ervaring as nuwe
direkteur van hokkie.
Foto: Eduard Büchner
soos tydsbestuur, mededinging,
werksetiek en hoe om met grasie
te wen of te verloor,” verduidelik
hy. “Dit is alles vaardighede wat
sukses in die wêreld daarbuite kan
bewerkstellig.” Hy glo daaraan om
net soveel klem op waardes, as op
hokkie te lê.
Mnr Woodhouse het baie
duidelike doelwitte vir Grey-hokkie,
waarvan die grootste is om ‘n
deurlopende spelstyl regdeur die
skool te vestig, om diepte en ‘n
verstaan van hokkie onder spelers
te kweek en om aan alle spelers die
geleentheid te bied om as mense en
spelers te groei. Hy werk nou saam
met die afrigtingspersoneel om dit
te bereik. Wat resultate aanbetref,
wil hy graag voortbou op die
uitstekende resultate wat Grey in alle
ouderdomsgroepe gedurende 2018
behaal het. Oor die langtermyn streef
hy daarna dat Grey se A-spanne
konstant in die Top 5-10 hokkieskole
in Suid-Afrika sal tel.
Sy vars benadering is reeds
in die voorseisoen ervaar. Heinko
Hansen, eerstespan-hokkiespeler,
glo dat dit ‘n baie suksesvolle proses
was waar almal genoeg kans gehad
het om hulself te bewys. “Ons is
meer kans gegee as in die verlede,”
volgens Heinko. Die nuwe afrigter is
ook volgens Heinko baie gefokus op
fiksheid en wil graag hê dat sy span
die fiksste in Suid-Afrika moet wees.
- BERNHARD BÜHRMANN
11
OFFICIAL SPONSOR
OF GREY COLLEGE SOCCER