NUUS
Senwes trots om weer deel
te wees van Boertjiefees
Deur Marlon Abrahams
Senwes Scenario Hoofredakteur
S
enwes was trots om weer die hoofborg te wees van
die groeiende Bultfontein Boertjiefees,wat vanaf 31
Augustus tot 1 September 2018 gehou is. Hierdie jaar
se fees is by die Bultfontein Skougronde is deur 5000
mense bygewoon.
Hierdie jaar se Boertjiefees is die tweede jaarlikse fees vandat
dit verlede jaar teruggekeer het na die landboukalender.
Organiseerder en gemeenskapsleier in Bultfontein, Herman
Meiring, het hulde gebring aan die borge: “Dit gaan moeilik in
die platteland en produsente sukkel. Sonder julle borgskappe
sou dit nie vir ons moontlik gewees het om die geleentheid aan
te bied en welverdiende landbouvieringe na ons gemeenskappe
te bring nie.”
Senwes Equipment en Hinterland het stalletjies by die
Boertjiefees gehad, waar ’n verskeidenheid John Deere en JCB
toerusting, sowel as 'n versameling Hinterland produkte en dien-
ste aangebied is.
Besoekers is vermaak met allerlei plattelandse pret, insluitend
’n lewendehawe-tentoonstelling, ’n 4x4 bestuurskursus, skouper-
de en die crème de la crème van Afrikaans popmusiek.
SENWES SCENARIO | SOMER 2018
27