GRAANMAKELAARS | GRAIN BROKERS
Senwes Graanmakelaars
Nuwe JSE-lidmaatskap toegeken
Deur Frans Dreyer
Bestuurder: Senwes Graanmakelaars
’N REGULATORIESE STRUKTUUR-
VERANDERING WAS GENOODSAAK
Senwes Graanmakelaars (Edms) Beperk
(Graanmakelaars) is op Maandag, 20
Augustus 2018, formeel toegelaat as
lid van die JSE Landbou Afgeleide
Mark (“Agricultural Derivatives Market”).
Die JSE-verhandelingskode wat aan
Graanmakelaars toegeken is, is SWGM.
Die aparte posisionering van Senwes
Graanmakelaars as lid was noodsaak-
lik as gevolg van veranderinge aan die
JSE-reëls ingevolge waarvan Senwes
Graanmakelaars, wat namens kliënte
optree, ’n aparte lid van die JSE moet
wees. Die groter doel van die JSE-reël
veranderinge in die verband was ook om
te verseker dat die belange van kliënte
beskerm word deur duidelike grense te
stel en onderskeid te tref tussen die tipe
verhandeling wat deur spesifieke lede van
die JSE uitgevoer mag word.
Wat is nou die rol van Senwes Beperk
(SWKM) en Senwes Graanmakelaars
(Edms) Beperk (SWGM)?
Eerstens kan u gerus wees dat die regu-
latoriese veranderinge geensins ’n invloed
sal hê op die manier wat u verskansing
en verhandeling oor tyd leer ken het
by Senwes nie. Senwes Marktoegang,
wat die graanbemarkingskonsultante
(verkryging) asook die unieke Basislink
basisverhandelingstelsel insluit, funksio
neer steeds onder die (Senwes) SWKM-
lidmaatskap. Die enigste verskil is dat
rolle pertinent geskei word met SWKM
wat voortaan ’n nie-makelaarslid van die
74
JSE (“non-broking member”) sal wees en
Senwes Graanmakelaars die uitsluitlike
rol van makelaar lid (“broking member”)
sal vervul. Alle bestaande JSE-rekeninge
wat onder die SWKM-lidmaatskap
geskep is, word oorgedra na SWGM
(Graanmakelaars). Ook hier sal daar geen
verandering wees aan die manier waarop
makelarykliënte toegang tot die mark deur
hul JSE-rekening verkry het nie.
Meer spesifiek word bevestig dat die
volgende onveranderd sal bly:
• Alle personeel betrokke by Graan
makelaars skuif slegs oor na die nuwe
lid SWGM en bestaande kliënt/make-
laarverhoudings word glad nie hierdeur
geraak nie;
• U makelaarsfooistruktuur bly onveran
derd;
• Dieselfde makelaarsdienste word
steeds gelewer;
• Die kantore bly binne Senwes Hoof
kantoor in Klerksdorp, maar fisiese
toegang tot Graanmakelaars sal voort
aan gereguleer word deur toegangsbe-
heerstrukture;
• Die bestaande telefoonnommers bly in
werking.
WAT KAN SENWES
GRAANMAKELAARS MY BIED?
Eerstens bied Graanmakelaars vir elke
kliënt wat ’n JSE-rekening oopmaak,
die nodige toegang tot die verskillende
kommoditeite wat beskikbaar is in die
landbouproduktemark. Die groter rol van
Graanmakelaars binne marktoegang is
om die sinergie te vergroot en aan pro-
dusente, verbruikers en spekulante die
geleentheid te bied om te verskans of
potensiële markgeleenthede te benut.
SENWES SCENARIO | SOMER • SUMMER 2018
Graanmakelaars vervul verder ʼn onder-
steunende rol, in samewerking met mark-
toegang analitiese dienste, om markin-
ligtingsverslae op ’n daaglikse basis
saam te stel. Die verslae word kosteloos
beskikbaar gestel op die Senwes webtuis
te en daar kan ook ingeteken word via
MySenwes (https://www2.senwes.co.za/
af-ZA/MySenwes/Login/) om die verslae
op ’n daaglikse basis te ontvang.
Die bron wat die toeganklikheid van
markinligting die maklikste maak, bly egter
die Senwes Grainlink toepassing (App)
waar intydse markinligting en prysopdate
rings ook kosteloos beskikbaar gestel
word. Senwes Graanmakelaars het ook
sy eie Twitter-profiel wat gesoek kan word
deur @SGBrokers op Twitter in te sleutel.
Graanmakelaars is daartoe verbind
om ’n doelgerigte diens, wat kliëntediens
voorop stel, binne die groter Senwes
visie van ononderhandelbare toewyding
tot etiese waardes te lewer. Ons sien uit
daarna om u van diens te wees deur mid-
del van die nuwe JSE-lidmaatskap. Sou u
egter enige verdere vrae in die verband
hê, moet asseblief nie huiwer om ons te
skakel nie.
Bestuurder: Frans Dreyer
[email protected]
(018) 464 7786
Makelaars:
Marcel Lombard
[email protected]
018 464 7722
Handre van Heerden
[email protected]
018 464 7197
Bennie Scheepers
[email protected]
018 464 7554