••••
KO L LI G
JOHAN VAN WYK
Almal se Boeta
Boeta is ‘n trotse
derdegenerasie
produsent.
IN LANDBOUKRINGE HET MENS WARE
VRIENDE NODIG. EN HIER KRY JY PRE
SIES DIT IN EEN PAKKIE BY SENWES
PRODUSENT JOHAN VAN WYK, OF
BOETA SOOS HY HIER BEKEND STAAN.
AUBREY KRUGER
B
oeta boer die afgelope 13 jaar in die omgewing
op sy plaas Klipfontein, sowat 45 km vanaf
Schweizer-Reneke in Bloemhof se rigting.
KLIPFONTEIN
Die einste Klipfontein is hier naby die plaashuis geleë.
Dit is so genoem omdat daar talle klippe en delwerye
in die omgewing is, terwyl die fontein verwys na dié
fontein en panne in die area.
Die 34-jarige Boeta is in Bloemhof gebore, het op
hierdie plaas grootgeword en beide sy laer- en hoër-
skoolloopbaan in Schweizer voltooi, waar hy in 2001
gematrikuleer het. Die suksesverhaal hier is dat almal
een groot familie is wat baie goed saamwerk.
FAMILIEVRIEND
Eerstens is Boeta ’n familiemens. Hy is die afgelope ses
jaar met Trudie getroud en het twee kinders, Dihani
(5) en Johan (1). Trudie is sy steunpilaar en kom
self uit ’n boerefamilie en doen ook as geregistreerde
boekhouer al die plaas se boeke. Dan het die kinders
ook boerdery in hul bloed, met Dihani wat klaar sê
“Onthou ek is ’n boeremeisie” en klein Johan wat net
trekkergeluide maak soos hy broom-broom op die plaas
rondstap.
DERDEGENERASIEPRODUSENT EN VIERDEGENERASIE-JOHAN
Hy is ’n trotse derdegenerasieprodusent, met sy oupa
en pa wat ook hier geboer het. Die naam Johannes
Jacobus strek al oor vyf generasies, vanaf oupagrootjie
en nou selfs sy jongste spruit wat die name dra.
JOHAN SENIOR SY ROLMODEL
Sy pa Johan is verseker die persoon na wie hy opkyk:
“Ek het alles by hom geleer”. Pa Johan het hom geleer
10
OKT/NOV 2017 • SENWES Scenario