•••
••
HA N D E L SN UUS ••
FOKUS OP POTCHEFSTROOM:DEEL 2
SENIOR GRAANVERKRYGER IN POTCHEFSTROOM
Johan Botha is jou
verhoudingsbestuurder
by Potchefstroom.
Heymans glo in
bemarkingsgroepe
AUBREY KRUGER
D
awid Dawid Heymans is jou senior graanverkryger in Potchefstroom en vir hom gaan die
bedryf oor een ding, die klant! Om saam met die klant
te werk en optimale diens te lewer. En hy behoort te
weet, met sy meer as 26 jaar ervaring in die bedryf.
Heymans het al in 1990 as kredietkontroleur by
Debiteure, vandag bekend as Senwes Credit, begin
werk. Later is hy aangestel as verhoudingsbestuurder
en junior graanverkryger, voordat hy in 2007 as senior
graanverkryger aangestel is. Hy is die afgelope twee jaar
in Potchefstroom werksaam en Potchefstroom, Parys,
Raathsvlei, Weiveld, Wolwehoek, Enselspruit, Gottenburg, Hoogte en Vredefort ressorteer onder hom.
Dawid vertel dat die Senwes bemarkingsgroep by
Raathsvlei baie effektief is en uitstekend funksioneer.
Hulle kom elke week bymekaar en Johan Botha, Verhoudingsbestuurder by Potchefstroom, lei gewoonlik
die gesprekke. Dawid vertel dat hyself die vergaderings
twee keer per maand bywoon, waar markaangeleent
hede en tendense bespreek word. “Dit werp vrugte af,”
sê Dawid. Daar is ook drie ander aktiewe bemarkingsgroepe, naamlik Enselspruit, Vredefort en Weiveld, wat
elke twee weke vergader. “Die ideaal is om weekliks eentot-een sessies te hê,” sê Dawid.
Buiten Dawid wat in Potchefstroom is, is Alta Pretorius as graanverkryger op Parys gesetel en bedien sy
Weiveld, Enselspruit en Vredefort. Johan Botha behartig
Raathsvlei, Wolwehoek, Heilbron en Gottenburg en
Hennie du Plessis is hul streeksbestuurder.
Hoewel Dawid in Potchestroom werk,
bly hy en sy vrou Yolande in Klerksdorp. Hulle het twee seuns, Rudolph
(21) en Erlo (19), wat beide by die
Noordwes-Universiteit in Potchef
stroom studeer.
Dawid Heymans,
Senior Graanverkryger
by Potchefstroom.
Johan Botha
bestuur verhoudings
AUBREY KRUGER
J
ohan Botha, die verhoudingsbestuurder by
Potchefstroom, som sy werk eenvoudig op.
Vir die 57-jarige Ladybrand-gebore Johan, wat
al meer as 14 jaar vir die maatskappy werk, is dit
voor die hand liggend: “Goeie verhoudings is tot
voordeel van die kliënt.”
Dit is die spil waarom alles draai. Hy vergelyk
dit ook met die Engelse gesegde: “Happy wife,
happy life.” Johan is immers al vir 15 jaar met
Isabel getroud.
Ek fokus net op my kliënt, hy is die belangrikste.” Sy einddoel is dus om ’n glimlag op ’n tevrede
kliënt se gesig te sien. Dis waarna hy streef.
Dit gesê, waarsku Johan dat alles net genade
van Bo is, en dat hy alles opdra aan die Here “Besef elke dag hoe klein en nietig jy is.”
So is Johan besig om die lang pad te stap sedert
hy in 2002 as kliënteadviseur by Wesselsbron by
die maatskappy aangesluit het. Hy werk sedert
2005 as verhoudingsbestuurder by Potchefstroom,
alhoewel die posbenaming deur die jare verander
het.
In kort sien hy dit as deel van sy werk om die
pad met die kliënt te stap en jaar-op-jaar te kyk
na al sy produksie-insette. Maak ook ’n punt daarvan om altyd na nuwe kliënte te soek. Hy vertel
dat ’n mens as verhoudingsbestuurder nooit as te
nimmer moet opgee nie: “Wees altyd nougeset.”
Vanjaar het ’n kliënt met ons begin besigheid
doen nadat ek al vir jare aan hom werk.” Daar is
altyd ’n uitweg, maar in baie gevalle moet jy jouself eers by jou kliënte bewys.
SENWES Scenario • OKT/NOV 2016
29