KO LLIG
•••
Dis ook nie net werk wat op die plaas
gebeur nie, soos sy boot en jetski wat
langs die trekkers staan, getuig.
WILD AS ‘N VERTAKKING
Tjop vertel dat wild as boerderyvertakking
ook hier in Ventersdorp ‘n gewilde bedryf
is. Hierdie tendens het oor die afgelope
paar jaar begin en hyself het verlede jaar
ingespring en met wildsboerdery begin.
Tjop wys my trots al sy
blouwildebeeste, gemsbokke, koedoes,
njalas, rooibokke en springbokke soos
ons deur sy 130 ha wildskamp ry.
Hy is egter nog in die beginstadium en het
sowat 90 stuks wild in die kamp, of soos hy dit
stel “waarmee hy tans speel”. Hy gebruik die
strook bome en koppie wat oor sy plaas loop baie
effektief en dit lyk kompleet soos bosveldwêreld
hier in die hartjie van die Noordwes.
Op my pad terug besef ek dat boerdery in
dié gebied, soos in baie ander gebiede, aangepas
het by nuwe tendense, maar terselfdertyd
‘n juweel is wat nog waarlik ontgin moet
word, veral met betrekking tot wild. Jou ou
persepsie van die dorpie en die produsente in
die omgewing kry sommer ‘n nuwe kleur.
Doen jouself ‘n guns, draai af, kyk en verander
jou persepsie oor die omgewing en sy mense.
SENWES Scenario • Okt/Nov 2015
11