•••
KO L L I G
FILOSOFIE
‘n Plaas is vir Tjop soos enige
beroep - ‘n groot besigheid waar
met baie geld gewerk word.
“Mens moet konserwatief wees
en meer wins maak. Mens koop
nie jou oes nie,” waarsku Tjop.
MEER OOR SY BOERDERY
‘n Groot deel van sy boerdery
behels beeste en hy boer
met sowat 900 Simbras en
Bonsmaras. Nou, direk na die
winter en met die naderende
somer om die draai, is hier
duidelik nog baie mieliereste,
soos ek ook in die verte kan sien.
Die beeste kom nader wanneer
Tjop die Toyota se toeter druk
10
– hulle weet dis voertyd. Die
paadjies waarop hulle loop lyk
kompleet soos ‘n landloopbaan
so tussen die mieliereste deur.
WERKERS
Tjop boer met die hulp van 16
werkers, wat sy plaasbestuurder,
Anton Meyer, en Willem
Bouwer insluit, asook sy seun
Boeta, die vyfde generasie
boer op hierdie plaas.
Oor sy werkers vertel Tjop dat
hy en sy werkers interafhanklik
van mekaar is. Baie van die
werkers werk al 30 jaar hier.
Elektrisiteit word aan hulle
verskaf en daar is ook ‘n busdiens
wat die werkers se kinders na
Okt/Nov 2015 • SENWES Scenario
die nabygeleë plaasskool, wat
sowat 6 km ver is, vervoer.
“Plaaswerk is maar soos enige
werk. Soos die werkers hulself
bewys, beweeg hulle op.”
TJOP OP PERSOONLIKE
VLAK
Tjop is ‘n Bloubul-ondersteuner
en hou baie van visvang. Soos
ons na die stalle stap, kan jy
sien dat Tjop ‘n agtermekaar
boer is. In die store word alles
logies gegroepeer. Al die groot
implemente is in een stoor,
die trekkers in ‘n ander en die
res in nog ‘n ander stoor.
Selfs die onderdele is ook
netjies onderdak in rye gepak
wat beteken dat Tjop dadelik
‘n ding sal kry waarna hy soek.
Tjop het ook ‘n sin vir humor
en verwys laggende na al die
kleure van sy implemente: “Ek
het maar ‘n smartieboks vol
implemente” verduidelik hy. Hy
het juis die smartieboks met nog
‘n paar John Deeres aangevul.