•••
JUANITA GREYLING
HA N D E LSN U U S
DJ van der
Linde spog
met sy 40 jaaroue planter.
2016 Vrystaat Landbou Jongboer,
‘n trotse Senwes klant
“EK HET AL VAN KLEINS
AF GEWEET EN GESÊ
EK KOM PLAAS TOE, EK
GAAN BOER! DAAR IS
NÊRENS ANDERS WAAR
EK WOU WEES NIE.”
D
ie sesde generasie Van
der Linde, DJ, is op 21
April 2016 tydens die Vrystaat
Landbou Jongboer glansgeleentheid by Monte Bello Landgoed
in Bloemfontein as provinsiale
wenner gekroon. Hier was Senwes
die medehoofborg van die Vrystaat
Landbou Jongboer-konferensie.
DJ is gemotiveerd om in sy
voorvaders se voetspore te volg en
voer aan dat sy oupa, DJ van der
Linde, in 1984 Mielieman van die
Jaar was. “Ek wil deel wees van ’n
goeie boerderygeskiedenis,” sê hy
ambisieus. “Ek het nooit gedink
dat ek die kompetisie sou wen nie.
Daar is groot boere daar buite en
ek sien myself nie as die top boer
in die omgewing nie, maar ek
probeer my bes en is trots om op
20 JUN/JUL 2016
gelyke voet met ander boerderye te
kan meeding.”
DJ het grootgeword op die
plaas St. Helena naby Vierfontein
en is tans die derde generasie op
die plaas. Hy is ’n trotse boer: “Ek
het alles van boerdery by my pa
geleer.” DJ het B.Ed Tegnika met
hoofvakke Motorvoertuigtegnologie en Pas-en-draai, aan die
Noordwes Universiteit, Potchefstroomkampus, gaan studeer. “Ek
het van kleins af allerhande goed
gebou en met my hande gewerk,
maar ook geweet dat ek gaan boer.
Ek het net gaan swot om vrou te
vang,” voer hy grappig aan. Hy het
sy sprankelende vrou, Rianette, op
universiteit ontmoet en is geseënd
met twee pragtige kinders, Divan
(6) en Suhanri (4). “Sonder my
gesin en in besonder my vrou, sou
ek nie vandag hier gesit het nie. Sy
ondersteun my op elke vlak van
die boerdery”.
DJ het volstoom in 2012 begin
boer toe hy die plaas by sy oorlede
pa, DJ van der Linde, geërf het.
Hy het die gemengde boerdery
stelselmatig uitgebrei tot 750
ha landerye en 150 ha weiding.
• SENWES Scenario
Die boerderyvertakking sluit in
60% witmielies, 10% geelmielies,
25% sonneblom en 5% beeste
(Simbras). Die een ding wat DJ
by sy pa geleer het en dit ter harte
geneem het is: “doen een ding
eenmaal reg”. DJ hou daarvan om
presies te weet wat in sy boerdery
aangaan. “Ek is pynlik netjies in
my werk.” Dit is daarom dat hy sy
planttegnieke verfyn en aanplan
tings en oeste met meer presisie
begin bestuur het. DJ is ’n trotse
Senwes-klant, “Ek sal altyd ’n pad
saam met Senwes stap. Hulle sorg
vir ons boere.”
Soos die spreekwoord lui: ’n
boer maak ’n plan. DJ gebruik
graag die toerusting, implemente
en vaardighede wat op die plaas
beskikbaar is om by die verande
rende omstandighede aan te pas.
“Ek het nie die nuutste implemente, trekkers en toerusting nie,
maar ek pas dit aan om steeds by
die toppunt van tegnologie en die
ontwikkelende bedryf te bly.” DJ
het ’n dorsmasjien, ’n Nigel Plen
42, waarvan die konsep in die
vroee 1930’s gedoen is, en die produksie daarvan in die sestigs. Dit