•••
RUB RIE K
FOTO: LEEF
GOD DINK ANDERS AS
ONS. EN MISKIEN IS JUIS
DÍT … GENÁDE!
MILANIE VOSLOO
DIE BYBEL IS VOL BOERDERY-VERHALE WAARIN
DIE WÊRELD VAN LANDBOU, PLANT- EN OESTYD
EN DIE DAG-TOT-DAG GEBEURE OP DIE PLAAS,
GEBRUIK WORD AS VOORBEELDE VAN DIE LEWE. EN
TELKEMALE VERTEL HIERDIE GELYKENISSE VIR ONS
DAT DIE HERE OP ʼn VREEMDE – MAAR GENADIGE –
MANIER MET MENSE SE HARTE BOER.
I
n Jesus se landbougelykenisse, leer ons
opnuut so baie van ons Vader
se God-van-liefde wees. Van
sy geduld met ons. Sy almalinsluitende wese. Van sy
oorvloedige genade. Dink nou
maar aan die gelykenis waar
die plaasarbeiders wat agt
ure gewerk het dieselfde loon
ontvang as die wat eers aan die
einde van die dag ingeval het.
In ons menslike terme maak
dit nie sin nie. Tog beloon
God mense ánders. Want Hy
dink ánders oor genade. Sy
onverdiende genade gee aan
almal ‘n kans om die ewigheid
te geniet – ook aan dié wat,
volgens ons norme, dit nie
verdien nie.
En dan lees ons die verhaal
waar God nie die onkruid in
die koringland wil uittrek nie
omdat Hy nie die risiko wil
neem om die koring saam met
die onkruid weg te gooi nie.
Duidelik wil ons Vader alles
doen om te verhoed dat selfs
net één van sy koringare per
ongeluk verlore gaan. Sy genade
pleit vir elkeen van ons ... selfs
wanneer dit nie sin maak nie.
Dis nie altyd ewe maklik
om ons Vader se manier van
doen te aanvaar nie. Wanneer
Hy sy oorvloedige genade
so ruimskoots aan mense
uitdeel wat dit volgens ons
nie behoort te ontvang nie,
is dit menslik om Hom te
bevraagteken. Wanneer dit
egter ek en jy is wat genade
nodig het, dink ons heeltemal
anders. Dan is ons maar te
verlig dat ons – ondanks
onsself en ons swakhede –
ook tweede kanse kry.
Miskien moet ons juis
daarom dankbaar wees oor ons
Vader se ánder soort liefde-gee.
Oor sy, soms onverstaanbare,
wyse van goedheid uitdeel. En
dalk kan ek en jy – wat self
soms koring- en ander kere
onkruidmense is – maar
net elke dag met bid:
Here, dankie dat U
juis anders as ek dink en
doen. Dat U op ‘n dieper,
groter ... hemelse manier
genade uitdeel: ook aan
my. Help my om daagliks iets
van u goedheid-hart ook aan
ander aan te gee. Ja, wys my
hoe ek – tussen my lande –
ook met genade kan boer.
WEN
Milanie Vosloo ken die hart van ’n
vrou. En sy bid saam met vroue oor
die dinge diep in elke vrou se hart.
Sielsgedagtes bestaan uit 100
besondere en opregte gebede.
Milanie bid saam met vroue
oor elke-dagse dinge, soos:
· wanneer jy nie opgewasse
voel vir iets nie
· wanneer jy jammer voel vir jouself
· wanneer jy eensaam is
· wanneer jou hart van
vreugde borrel
· wanneer jy vir God wil
sê jy het Hom lief
Elke gebed word ondersteun met
teksverse en ’n kort, bemoedigende
boodskap. Die gebedeboek word
afgerond met ’n onderwerpregister.
Sielsgedagtes sal vroue weer laat
besef wat dit beteken om eerlik
met God te praat oor die begeertes,
seer en vreugdes in hul hart.
Een gelukkige leser
kan ‘n kopie van
Sielsgedagtes
wen. Sms Senwes,
Cum, jou naam,
telefoonnommer
en e-posadres
na 31022 voor
31 Julie 2015.
SENWES Scenario • June/July 2015
55