•••
REDA K TE U R SBR I EF
DIE TOEKOMS IS OP ONS –
IN MEER AS EEN OPSIG
D
ie landbousektor
was aan die gons
met vanjaar
se Graan SA
Nampo Oesdag.
Enigeen met ‘n passie vir
landbou, het hul weg gebaan na
Nampo, net buite Bothaville,
wat weereens deur tienduisende
entoesiaste bygewoon is. Die
reuk van plaas, implemente,
boerdery, khaki-klere en boere
wat beplan was in die lug.
Nampo het vanjaar geskiedenis
gemaak toe die Minister van
Landbou, Senzeni Zokwana,
die eerste dag die skou
besoek het. Zokwana het ook
deelgeneem aan die lewendige
opname van Nasie in Gesprek,
waar arbeidsverhoudinge
in landbou bespreek is.
Die Minister se
teenwoordigheid kan beskou
word as ‘n positiewe stap in
die regering se pogings om
werkbare oplossings, waarby
die landbougemeenskap betrek
word, vir die uitdagings in SuidAfrika se landbousektor te kry.
In hierdie uitgawe van
Scenario gee ons ‘n oorsig
van die besprekings. Hierdie
besprekings word gedurende
die volgende paar maande
op nasionale TV uitgesaai.
Besoek www.nasieingesprek.
co.za vir die uitsaaitye.
Ons kyk ook na die impak
van tegnologie op boerdery en
watter tegnologiese ontwikkelinge
op ons wag. Senwes se Groep
Uitvoerende Bestuurder, Innovasie
en Geïntegreerde Oplossings,
Martin van Zyl, praat oor sy
nuwe rol wat sal verseker dat
2
produsente by nuwe tegnologie en
databestuurstelsels sal baat vind.
Met die wêreld wat konstant
meer toeganklik word, was dit
geen verrassing om verskeie
internasionale agri-rolspelers by
Nampo te sien nie. Dit word
al hoe belangriker om te weet
waarmee jou mede-landbouers
in ander gebiede besig is – ons
leef in ‘n era waar die uitruil
van die jongste tendense en
tegnieke slegs ‘n kliek op
internet ver is. Maar, waarom
nie eerstehands ervaring opdoen
oor hoe dit in Argentinië gedoen
word nie? Sluit aan by Senwes
se heel eerste opvoedkundige
toer, waartydens Argentinië se
Zona Nucleo, bekend as een
van die vrugbaarste gebiede in
die wêreld, besoek sal word!
Ons gesels ook met Ashley
Whitfield, ‘n produsent wat voluit
en vooruit boer. Vind uit hoekom
Senwes Korporatief se wetlike
sake in die beste hande is; loer na
Senwes se nuwe bestuurstruktuur;
kyk waarmee die jongboere
hulself besig hou en ontmoet die
ongeslypte diamant wat by Senwes
se korporatiewe sosiale investering
in Bothaville ontdek is. Geniet
hierdie, en nog vele meer, met
inbegrip van ons gereelde bydraes,
in hierdie uitgawe van Scenario.
Ons sê ook totsiens aan
die voormalige redakteur van
Scenario, Nicolize van der Walt,
wat aanbeweeg het na ‘n nuwe
beroepskeuse. Baie dankie vir
jou bydrae, Nicolize. Ons wens
jou alles van die beste toe vir die
nuwe avontuur wat op jou wag.
Marlon Abrahams
REDAKTEUR
June/July 2015 • SENWES Scenario
hoofredakteur
Marlon Abrahams
Tel: 018 464 7349
[email protected]
advertensies
Mariette Hugo
Tel: 018 464 7505
[email protected]
ontwerp en uitleg
Jakolien Strydom
Tel: 018 464 7483
[email protected]
medewerkers
Thys Grobbelaar, Johan du Toit, Ds
Jackie van Zyl, Nicolize vd Walt, Willie Louw, Jenny Matthews, ds Willie
Botha, Marlon Abrahams, Johan le
Grange, Gerrit Oosthuizen,
George le Roux, Petrus van Staden,
Danie Minnaar, Susari Geldenhuys,
Annatjie Liebenberg en
Milanie Vosloo.
subskripsie
Marie Erasmus
Tel: 018 464 7568
Faks: 018 464 7772
marie.er