RUBRIEK | COLUMN
GARDENING | TUIN
Wenke vir warm tye
Kos vir die siel
Ons oë is die lense
van ons siel:
Milanie Vosloo
Lense met filters wat ons die lewe
op ’n sekere manier laat sien...
O
ns het elkeen ’n storie: ’n Unieke verhaal wat ons
gevorm het en ons oë met spatsels kleur geverf
het sodat ons op ’n bepaalde manier na die wêreld
kyk.
Die vraag is: Hoe lyk die lense van mý oë? Het pyn,
teleurstelling en teenslae die filters van my siel donker gekleur,
sodat ek oor die algemeen grys geverfde prentjies sien? Of kan
ek – ondanks alles – dit tog regkry om meer dikwels die helder
kleure van die lewe raak te sien? Sien ek nog hoop ten spyte
van ashope, oggendlag na die donker nag, die goedheid in
ander ondanks hul swakheid?
Geloof kleur ons wêreld ánders. Dit help ons om brutaal eerlik
te wees met die werklikheid, maar daarmee saam onwrikbaar
te glo dat dinge sal uitwerk soos dit moet, mense kan veran
der, dat môre beter kan wees. Dit maak van ’n dit-ís-situasie ’n
dit-kán-moontlikheid. En omdat ek dan die onbeperkte moont-
likhede van my Vader sien, hoop ek anders, sien ek mense
anders en leef ek anders.
Miskien kan ek en jy meer gereeld die Gees vra om ons eie
lense skoon te maak sodat ons dit-kán-moontlikhede raak kan
sien? Dalk:
Voel ons eie harte dan ligter – al verander ons omstan-
dighede nie;
Sien ons die goeie in ander raak – al maak hulle ook droog;
Hoor ons die liefde – ten spyte van dinge wat ons kwaad
maak;
Weet ons intuïtief dat God by ons is: môre ook sal wees.
Kom ons bid: Verwyder die skadu’s oor my siel sodat ek met
lig-wees-filters sal kyk. Met nuwe hoop sal glo. Met groter ver-
wagting sal leef. Met oorgawe sal liefhê. Ja, maak my oë weer
oop... vir al die goed wat U gee. Vir Wie U ís.
Wen met Senwes en Cum Uitgewers
Hoop wat kaalvoet loop is in Augustus 2016 uitgereik en is teen
R179.95 op die rakke. Een gelukkige leser kan ’n kopie wen van
Hoop wat kaalvoet loop, 101 dagstukke vol hoop en inspirasie wat jou
siel sal verkwik. SMS Senwes, Cum, jou naam, telefoonnommer en
e-posadres na 31022 voor 31 Maart 2019.
Standaard sms-tariewe geld en geen werknemers van Senwes mag deelneem nie.
Vir die volledige kompetisiereëls, besoek die webtuiste www.senwes.co.za.
36
SENWES SCENARIO | KOPSKUIF 2019
Deur Johan (Dons) Jordaan
Groep Bemarkingsbestuurder, Bastion
F
ebruarie is gewoonlik ’n baie warm en droë maand.
Dit is dus nodig om nou dieper nat te maak deur meer
water op ’n slag te gee. Maak eerder een tot twee keer
per week goed diep nat as wat daar elke dag net vlak
natgemaak word. Dit sal verseker dat die plante genoegsame
water in die hele grondprofiel het en wortels die grond dieper
binnedring. Plante sal so hittegolwe en droë periodes beter kan
hanteer.
In hierdie warm tye floreer siektes en daar moet veral vir
poeieragtige meeldou, roes en swartvlek op rose, dahlias en
begonias uitgekyk word. Om jou grasperk groen te hou tot die
winter, kan daar vir oulaas met ’n mengsel kunsmis soos 5:1:5
bemes word.
In Maart begin die ergste hitte breek en jou benattingspa-
trone kan aangepas word om oorbenatting te verhoed. Maak
seker om te spuit vir ruspes en ander insekte aangesien dit nou
‘n probleem kan wees.
April moet daar voorbereiding vir die winter getref word.
Meerjarige plante wat klaar geblom het, kan nou gesnoei word.
Alle blombolle wat in die lente blom, kan in potte of in beddings
uitgeplant word. Onthou dat ranonkels kan verdwyn, plant hulle
eerder in ’n pot. Spuit ook nou meerjarige onkruide voordat
hulle saadskiet.
In die groentetuin en vrugteboord is daar ook ’n paar dinge
om te doen. Vrugtebome se deklae moet teen Februarie hersien
word om seker te maak vog word bewaar in die ekstreme hitte.
Om siekte en insekskade te voorkom, moet daar seker gemaak
word dat die stamme oop is. Vrugtebome wat teen hierdie tyd
reeds geoes is, kan nou met ’n lae N, hoë K kunsmis soos 3:1:5
bemes word.
Broccoli, blomkool en kool kan nou vir die winter aangeplant
word. Saai jou beet en wortels in rye. Februarie is ook ‘n goeie
tyd om blaarslaai, spinasie en pietersielie uit te plant na koeler
areas van die tuin.
Teen Maart kan wortels en beet uitgedun word. Pampoene
wat in Oktober en November
geplant is, sal nou oesgereed
wees. Pampoene wat goed
afgedroog het, kan in ’n
droë en goed geven-
tileerde area gestoor
word. Plantsiektes en
insekte kan ook in jou
vrugte- en groentetuin
voorkom. Wees op die
uitkyk daarvoor.