PRODUCER FOCUS | PRODUSENTFOKUS
Voorsitter van
Hartbeesfontein
Landbouvereniging,
Jaco Maré (regs), by
een van die beheer
kamerpersoneel
lede, Chris Ludick.
In die agtergrond is
die Hartbeesfontein
Silo, wat een van
drie Senwes silo’s is
wat ingespan word
om die gebied te
beveilig.
soneellede wat in diens is en 8-uurliks skofte ruil. Binne die
toegeruste beheerkamer is daar sewe skerms waarmee die
gebied beveilig word. Een van die beheerkamerpersoneellede,
André Roux, het selfs ‘n toepassing ontwerp waar ‘n verdagte
voertuig se model, kleur en registrasienommer ingesleutel word
- die stelsel soek dan deur die databasis van vorige gevalle en
kan daar gouer en meer effektief opgetree word.
WAARDETOEVOEGING
Die bykomende waarde van so ’n veiligheidsisteem is dat veld-
brande beter en gouer gesien kan word en onluste kan meer
effektief hanteer word. Om meer effektief te wees, is dit belang
rik om nooit te stagneer nie. Brei uit, gradeer jou sisteme op
sodat jy altyd relevant bly. Enkele voorbeelde is beter geboue,
meer gebruikersvriendelike sisteme vir operateurs, strategiese
plekke en beter kameras. Herbesoek jou sisteem gereeld. Die
laaste raad is dat daar ook goeie samewerking met omliggende
buurdorpe in moet wees. In hulle geval is die Noordwes dorpe
Coligny, Ventersdorp, Ottosdal en Wolmaransstad krities om te
weet watter ongewenste elemente jou gebied kan binnedring en
om so misdaad te voorkom.
NOG VOORBEELDE
Hoewel Hartbeesfontein Veiligheid een van die beste daarbuite
is, is hulle verseker nie die enigste nie. Na ’n gesprek met Agri
SA en AgriSecuritas, is bevind dat daar baie ander boerevereni-
gings landswyd is met uitstekende aksies om veiligheid binne
hul landbou- en die gemeenskap te verbeter, soos die Albany
Bathurst Distrikslandbou-Unie in die Oos-Kaap, Smithfield en
Vierfontein in die Vrysaat, Agri Kiepersol in Mpumalanga asook
Potgietersrus Landbou om net ‘n paar op te noem. So, beveilig
jou area en landbou-omgewing deur die leiers in die bedryf te
kontak - “Dit is een van die beste beleggings wat jy kan maak,”
om Jaco direk aan te haal. En sonder twyfel weet die joernalis
verseker dat hy weer gewaar is tot hy buite die radius van 40km
om Hartbeesfontein is.
Vir meer inligting kan Jaco Maré by 082 388 4294 of Basie
Terre-Blanche 082 768 2558 geskakel word.
Hinterland wenner nou
ook wêreldkampioen
Deur Phillip Lee
Hinterland Bestuurder: Diereproduksiedienste
E
nige kompetisie se geloofwaardigheid is gesetel in
sy vermoë om geloofwaardige wenners aan te wys,
want ’n kompetisie word deur sy wenners gedefinieer.
Wanneer ’n kompetisie se wenners dus verdere hoër
loure inoes, dan bevestig dit die vermoë van die kompetisie
om die regte wenners aan te wys. Dit is presies wat nou met
die wêreldskou gebeur het: Die Hinterland Nasionale Interras
wenners wat by ALFA 2018 die onderskeie skoue waar hulle
kampioenskappe gewen het, verteenwoordig het, het nou ook
as verteenwoordigers van hul onderskeie rasse, internasionale
wenners geword! Dit verifieer die beoordeling by ALFA en die
manier waarop die finaliste genomineer word, soos geen ander
proses dit sou kon doen nie, en bevestig net weereens dat
Suid-Afrika van die beste stoettelers in die wêreld het.
Die kompetisie het sy ontstaan in 2012 gehad, en vanjaar
was daar nagenoeg 1 000 inskrywings uit 77 lande bestaande
uit 16 rasse. Die Suid-Afrikaanse vlag is hoog gedra ten
opsigte van ’n hele aantal rasse met die hoogtepunt waar
die Hinterland Nasionale Interras kampioenbul, ACE BR
140016, gekroon is as die wêreldkampioen Santa Gertrudis
bul. ACE is vertoon deur die Santa-Rey Santa Gertrudis stoet
van Raymund de Villiers van Sannieshof (Lees die artikel oor
Raymund in die vorige uitgawe van die Senwes Scenario).
Nog ’n hoogtepunt het gekom by die Simmentalers waar die
Hinterland Nasionale Interras kampioenkoei weggestap het
met die “Miss World Silver” medalje. Ierland het met die louere
weggestap. Die top koei, Dipsie PJO 12-65, is die eiendom
van die ChrisMar Familietrust se Taaibosspuit Simmentaler
stoet in die Lichtenburg gebied.
Hierdie uitslae is goeie nuus vir die plaaslike stoetbedryf,
deurdat beide die Hinterland Nasionale Kampioen manlike en
vroulike diere topplasings ontvang het. Dit is ‘n getuigskrif vir
stoetteling in Suid-Afrika.
SENWES SCENARIO | KOPSKUIF 2019
13