NUUS| NEWS
Barend van Staden met
Magic, die bul met wie hy
die titel van 2018 Hinterland
Nasionale Touleier van die
Jaar @ALFA ingepalm het.
Barend van Staden
Touleier van formaat
’n Touleier? mag die gewone ou vra. Wel, dit is die persoon met letterlik en figuurlik die
leisels in sy hande wanneer dit by die beoordeling van bulle en koeie by beesskoue kom.
Ons ontmoet vir Barend van Staden, die nuwe 2018 Hinterland Nasionale Touleier van die
Jaar @ ALFA. ’n Titel wat hy by die ALFA Ekspo in Parys ingepalm het en hopelik in 2019
kan gaan verdedig.
Deur Aubrey Kruger
Senwes Scenario Redakteur
A
nders as meeste ander
touleiers wat al vir jare in die
bedryf is, is Barend egter ‘n
nuweling en het eers sedert
2017 sy vernuf in dié arena begin toon
nadat sy werkgewer, die Brahman-
stoetteler Willie Jacobs van die plaas
Rietfontein tussen Rustenburg en
Swartruggens, hom die geleentheid van
sy lewe gegee het. Die Sannieshofgebore
Barend het baie respek vir Willie en
beskryf hom as sy pa: “Ek dink die Here
het hom verseker by my lewe gestuur en
ek beskou hom as my pa.” Soveel so dat
hy ook verstaan as Willie met hom raas as
hy wel fouteer. “Want hy probeer my net
in die proses verbeter en ek móét my kant
bring.”
Vir die wat gereeld landbouskoue
20
bywoon, breek Barend werklik die grense
van sy verantwoordelikhede. Inaggenome
dat hy die trokdrywer vir Willie was wat
die diere rondgekarwei het. Maar hy het
ingeklim en allerhande take begin verrig.
Die krale skoongemaak, die diere gevoer
en ook so die pligte van touleier aangeleer.
Die dag toe hy die 2018 Hinterland
Nasionale Touleier van die Jaar @ ALFA
ingepalm het, beskou hy as die heel
grootste dag van sy lewe en om dit alles
te kroon, het hy nie eens elke keer geweet
dat hy beoordeel word nie. Want tydens
die geleentheid is hy nie net in die ring
beoordeel nie, maar ook hoe hy vir die
diere versorg en hoe hy hulle hanteer. En
sy oomblik was groot nadat hy omtrent
met ‘n groter applous as die Nasionale
Bul- en Koeikampioene begroet is.
Maar hy gaan nie op sy louere rus
nie. Hy het immers ‘n passie vir diere en
beskou dit as ‘n liefdestaak – “Ek is lief
SENWES SCENARIO | KOPSKUIF • MIND-SHIFT 2019
vir daai diere.” Hy praat ook met hulle,
soos hy spottenderwys verwys dat hulle
Afrikaans praat. Hy is baie ferm, maar gee
die beeste ook ruimte om hulle beste…
hoef voor te sit sodat die beoordelaars
hulle beste eienskappe kan besigtig. Hy
raas en skree nie op hulle nie en volgens
Willie het Barend verseker ‘n aanvoeling
hiervoor. En wat beplan hy vir 2019? Wel,
hy het ‘n mak span geërf en sal die nuwes
moet inbreek en sy staal so moet wys.
Punte waarop hulle beoordeel word:
Algehele netheid soos kleredrag en
skoene word hoog op prys gestel.
Dan moet daar ’n konneksie tussen
die touleier en die dier wees. Kontak
met die ringleier is krities en die diere
moet veral sy nie-verbale kommunikasie
verstaan. Aanbieding van die dier aan die
beoordelaars, soos om sy kop op te lig en
na sy voetplasing te kyk, is belangrik.