LANDBOUKUNDIG | AGRICULTURAL
Watter faktore gee aanleiding
tot marginalisering van grond?
Met die skryf van hierdie artikel, 7 Januarie 2019, het die gebrek aan reënval asook
versengende hitte gewasaanplantings ernstig in die wiele gery. Natuurlike weiding is erg
beskadig en gaan lank vat om te herstel. Die omvang van dié scenario is heelwat erger
as die vorige droogtes. Finansiële uitdagings vir produsente is hul maandelikse lopende
uitgawes en finansieringsverpligtinge.
Deur Petrus van Staden
Senwes Senior Agronoom
D
ie groter prentjie is dat tyd
nie stilstaan nie, en dat die
langtermyn gemiddelde
reënval gedurende Februarie
tot April steeds moontlikhede bied. Die
uitstaande kenmerk van “boere” is dat
hulle nie ‘n tekort aan planne het nie.
Die kernbesigheid is ʼn produsent wat
komende seisoen (2019/20) weer in volle
produksie wil wees. Enige plantaksie sou
absoluut beperk word tot:
Finansiële oorlewing indien daar geen
ander uitweg is nie,
Die maak van kos vir diere,
Om waaiskade in die lente te beperk
Voorbereiding vir plant van mielies.
18
Op lande wat verlede seisoen voor-
plantkunsmis ontvang het, maar nie
geplant is nie, kan die chemiese status
gekontroleer word.
KOPSKUIF-SEISOEN
Die droogte dwing produsente om
emosie en sentiment binne die
besluitnemingsproses tot ʼn absolute
minimum te beperk.
Die klimaat en reënval se onstabiliteit
vereis dat daar opnuut na die effek van
aardverwarming gekyk moet word en elke
produsent sal hom-/haarself deeglik moet
vergewis van die potensiële impak op sy/
haar boerderystelsel. Die finansiële impak
daarvan vereis daadwerklike optrede.
“...jou onderneming moet voortdurend
aanpas om ekonomies te oorleef en
mededingend te bly. Stagnasie is nie ‘n
SENWES SCENARIO | KOPSKUIF • MIND-SHIFT 2019
opsie nie...” (Dr. Johan Willemse, LWB
4-11 Januarie 2019).
Wat kan die produsent doen om volhou
baar te produseer in hierdie moeilike
produksie- en ekonomiese toestande?
Daar bestaan nie kitsoplossings nie,
elke produsent se omstandighede is
uniek.
Fokus op die aspekte waaroor jy in jou
onderneming (hulpbronsamestelling,
produksiekoste) beheer het.
Evalueer elke faset van die boerdery.
Ontleed besigheids- sowel as
finansiële risiko’s.
Optimaliseer produksiefaktore
(grond, kapitaal, arbeid, bestuur,
onderhandelingsvaardighede) –
diagnostiese boerderyontleding.