Senwes Scenario Desember 2018 / Januarie 2019 | Page 38

RUBRIEK
TUIN
Kos vir die siel
Met nog net
een snaar
O
Milanie Vosloo
p my ou ramkietjie met nog net een snaar / speel
ek in die maanskyn, deurmekaar. / As die maan my
antwoord en die sterre knik / dan speel ek kordaat
voort / in my skik. Wat gee ek om mense wat sê
ek’s mal as die varings my aanhoor by die wal? / Wat om my
vrinne wat nooit nie verstaan / as die sterre my toeknik en die
maan? / Op my ou ramkietjie met nog net een snaar / speel ek
in die maanskyn deurmekaar.*
Soms beleef ons eensnaarmomente: Tye wanneer ons hoop
min is. ’n Uitkoms skraal lyk. Die dinge wat ons nie kan beheer
nie, ons moedeloos maak. Die lewensmusiek vir ons ophou
speel het... Sulke tye kan jy maar onthou, ongeag al die “ge­
breekte” lewensnare, is daar altyd nog één ding oor waaroor
jy beheer het: Jou gedagtes! Dit is so dat daar baie dinge of
mense is wat jy dalk nie kan verander nie. Tog kan jy altyd
beheer uitoefen oor die manier waarop jy dink. Jy kan kies om
met ’n ander gesindheid na dinge te kyk, om terug te staan en
die groter prentjie raak te sien; verder as die nou te kyk en te
onthou waarheen jy op pad is. Jy kan sommer net weer ’n slag
opkyk en Hóm raaksien. Hoor hoe Hy uit ’n eensnaarwêreld
hoop, lewe en die ewigheid geskep het.
Net een dapper en gelowige mens – jý – is nodig om ’n hele
groep of gemeenskap anders te laat dink. Ek wil jou uitdaag:
• Waag dit om te hoop; om te glo dat dit môre beter sál gaan,
want dit sál.
• Waag dit om anders te dink, want jy kán.
• Waag dit om die verskil te wees wat jy wil sien.
Barack Obama sê in sy boek getiteld, “The Audacity of Hope”,
dat mense wat sê dat dinge nie gedoen kan word nie, moet op-
hou om die mense wat besig is om iets te doen, te onderbreek.
Wees jý die een wat ander die eensnaarmusiek laat hoor.
Bid saam met Habakuk: Selfs al sal die vyebome nie bot nie
en die wingerd sonder druiwe staan, al het die olyfoes misluk
en lewer die landerye niks op nie ... tog, ten spyte van alles, sal
ek my verbly in die Here! Habakuk 3:17a-18.
*C.Louis Leipoldt
Wen met Senwes en Cum Uitgewers
Hoop wat kaalvoet loop is in Augustus 2016 uitgereik en is teen
R179.95 op die rakke. Een gelukkige leser kan ’n kopie wen van
Hoop wat kaalvoet loop, 101 dagstukke vol hoop en inspirasie wat jou
siel sal verkwik. SMS Senwes, Cum, jou naam, telefoonnommer en
e-posadres na 31022 voor 31 Januarie 2019.
Standaard sms-tariewe geld en geen werknemers van Senwes mag deel­neem nie.
Vir die volledige kompe­tisiereëls, besoek die webtuiste www.senwes.co.za.
36
SENWES SCENARIO | TEGNOLOGIE & INNOVASIE 2018
Somerwenke
Deur Carl Kirstein
Tuinboukundige
D
ie somer is nou in volle swang in Suid-Afrika. Teen
dié tyd is alle veranderinge in jou tuin beplan en
uitgevoer. Ons kan egter nog hier en daar ‘n paar
saailinge plant vir ’n spatsel kleur.
Grasperke het nou weer bemesting nodig, so water ook
ge­reeld om ’n smaraggroen grasperk te verseker. Water dus
ook in die vroeë oggendure of na sonsondergang om waterver-
damping tot die minimum te beperk.
Begin om jou tuin voor te berei vir die Desember/Januarie
vakansie tuis of weg van die huis. Trek alle onkruid uit en
gee algemene bemesting en deklaag en water dan deeglik.
Hydrangeas, gardenias en fuchsias kom nou juis in hulle volle
drag. Voed hulle met ’n suur blaarvoeding en sit boombas om
hulle voete.
Wees versigtig en voorbereid op die lelieboorder wat swart
en geel is en boor tot by die hart van clivias, agapanthus en
arum lelies. Spuit vroegtydig met ’n geregistreerde insekdoder
wat cypermetrin bevat. Dit is nou ook die tyd om vir vrugtevlieë
te spuit voor hulle besig raak.
Sny terug alle blomme wat uitgeblom is en bemes met
bemesting 6:1:5. Dit sal verseker dat die plante weer sal blom.
Laventel moet ook nou teruggesny word vir ’n herfs ’flush’. Die
witvlieg is besig in die warm droë weer, so kyk onder die blare
en spuit veral onder die blare.
Vir die kombuistuin kan geel, groen en rooi soetrissies asook
warm rissies geplant word. Kersietamaties asook ’n groot ver-
skeidenheid van ander tamaties, spinasie, beet, wortels en
eiervrug kan nou geplant word. Alle soorte kool is veral aan-
loklik vir die witvlieg. Dit is egter goedkoper om aan te koop.
Waatlemoen, spanspek, ensovoorts kan ook nou aangeplant
word om jou plante natuurlik teen peste te beskerm. Plant dus
knoffel en Afrikanertjies tussen jou groente. Dit is ook tyd vir
blaarslaai en wees so verseker van vars slaai op jou tafel.
Indien daar ’n sonnige deel in u tuin is, begin ’n kruietuin.
Tiemie, origano, mint en basil is baie maklik om te groei en ver-
toon daarby ook baie mooi. Daar is niks soos vars kruie vir die
sjef van die huis nie.
Plant ook ’n verskeindenheid van bessies. Hulle voorsien die
huis die hele somer en is uiters gesond. Niks is beter as erd-
wurmkompos nie. Kom kuier ook vir my by Verdant Kwekery. Ek
gebruik dit al vir jare en my tuin is oortrek van erdwurms. Moet
asseblief nie nou in u tuin spit nie, omdat dit verdamping sal
aanhelp.
Geniet die feestyd!