Senwes Scenario Desember 2015 / Januarie 2016 | Page 50
•••
D RUPP E LS OP DI E DA K
HOE VERLOOP DIE SEISOEN SO VER?
DIE SOMERSEISOEN SE REËNVAL WORD
TRADISIONEEL GEMEET VANAF 1 JULIE JAARLIKS
TOT EINDE JUNIE DIE VOLGENDE JAAR. JULIE TOT
SEPTEMBER IS GEWOONLIK MAANDE MET ʼn BAIE
LAE REËNVAL. DIE REËN BEGIN EERS GEDURENDE
OKTOBER TE VAL. HIERDIE SEISOEN HET DROOG
AFGESKOP MET SLEGS DIE NOORDWESTELIKE
GEDEELTE VAN DIE NOORDWES PROVINSIE WAT
GEDURENDE SEPTEMBER BAIE GOEIE NEERSLAE
ONTVANG HET. THYS GROBBELAAR
G
edurende Oktober het
die sentrale gedeelte van
die Noordwes provinsie wel reën
ontvang, maar dit was minder as
die langtermyngemiddeld. Die
langtermyn gemiddelde reënval
vir die tradisionele Senwes
gebied is 61.5 mm. Hierdie
seisoen het dit gemiddeld net
16.2 mm gereën. Die hele
gebied het dus minder as die
gemiddelde langtermynreënval
ontvang. Dit is tans baie droog
en veral die vee kry swaar
weens die gebrek aan voldoende
weiding.
Indien ons na die
kumulatiewe reënval vir die
seisoen kyk vir die periode 1
Julie tot einde Oktober, lyk
die situasie soos uitgebeeld in
onderstaande kaart. Daar is
slegs enkele distrikte wat naby
aan die langtermyn gemiddelde
reënval vir die periode ontvang
het. Die mees westelike gebiede
het basies geen reën ontvang
nie. Die droëlandkoring
vind gewoonlik baie baat by
die vroeë lentereën. Vir die
hoeveelste seisoen het dit weer
nie wesenlik in die tradisionele
droëlandkoringgebied gereën nie.
Dit impakteer verder negatief
op droëlandkoringproduksie in
die westelike gedeelte van die
Hoëveld. Die feit dat dit nog nie
wesenlik gedurende die vroeë
lente gereën het nie, behoort as
sulks nie ‘n bekommernis vir
droëlandprodusente te wees nie.
Bo-gemiddelde reënval
gedurende die vroeë lente,
volgens historiese reënval- en
opbrengsdata, het gewoonlik
‘n negatiewe korrelasie met die
opbrengsprestasie van mielies. Die
reënval van Januarie en Februarie
is gewoonlik deurslaggewend
vir goeie opbrengste. Die tyd
wat oor is om te plant in die
westelike Hoëveld was tydens
die skryf van die artikel nog
genoeg. Die produsente in
die oostelike gedeelte van die
Hoëveld raak wel bekommerd.
Die beskikbaarheid van ultra- kort
groeiseisoen mieliekultivars het
tot gevolg dat die plantdatum
in die meeste gebiede redelik
gerek kan word. Ons hoop
en vertrou dat die res van die
seisoen voorspoedig sal verloop.
WAT IS DIE STAND MET
BETREKKING TOT DIE VERLOOP
VAN DIE VOORSPELDE
EL NIÑO-SEISOEN.
Die 1997/98 seisoen was tot
en met datum die sterkste El
Niño-episode wat die afgelope
eeu ervaar is. Kom ons kyk wat
daardie seisoen gebeur het.
Die meeste mense wat in die
graanbedryf betrokke was, het die
ergste droogte in menseheugenis
verwag, veral na aanleiding
van die beriggewing uit die
buiteland en plaaslik. Die seisoen
het baie moeilik begin met ver
48
Desember 2015/Januarie 2016 • SENWES Scenario