LANDBOUKUNDIG | AGRICULTURAL
Beplanning
vir die komende seisoen
Die reënvalverspreiding het die afgelope seisoen groot uitdagings aan produsente gestel.
Die gevolg was dat verskeie gewasse laat geplant is. Dit het die kwaliteit en afdroging van
gewasse grootliks beïnvloed.
Deur Petrus van Staden
en Ian Bothma
HOU DIE VOLGENDE IN GEDAGTE MET
U SEISOENBEPLANNING:
Sodra al die oeste ingesamel is, kan
produsente die afgelope seisoen
ontleed in terme van dit wat verlede
jaar beplan is en wat nou gerealiseer
het. Gebruik opbrengsdata en
evalueer dit saam met grondfisiese en
-chemiese data om onder andere die
volgende te ontleed:
• Finansiële verlies as gevolg van
grondpotensiaal of voedingstatus.
Grondpotensiaal en grondontleding
is baie belangrike besluitnemings-
hulpmiddels om die bemesting
volgens grondpotensiaal vir die
komende seisoen te bepaal.
• Die kultivarpakket wat u kies.
Beplan vir die langtermyngemiddeld
in ʼn semi-ariede gebied.
• Plantpopulasie en rywydtes.
• Plantdatum op grond van die
historiese data vir elke land.
• Herevalueer die bewerkingstelsel en
volg praktyke wat grondvog bewaar.
28
’n Opbrengsverskil van byvoorbeeld
500 kg/ha kan teen heersende
prysvlakke ’n groot invloed op wins-
gewendheid hê.
Hou die bekalkingsprogram (derde
van die lande elke jaar) in stand om
seker te maak dat die persentasie
suurversadiging nie die opbrengs
nadelig beïnvloed nie.
Neem grondmonsters so spoedig
moontlik na stroop om ’n bottelnek by
die laboratoriums te voorkom.
Waar baie goeie opbrengste behaal is,
doen “spot check”-ontledings wat kan
help met kunsmisaanbevelings.
Dis belangrik om potensiële verliese in
die hele produksieproses te identifiseer
om winste te verhoog.
Tyd is ’n baie belangrike faktor en
daarom moet die produksieproses
glad verloop. Kontak kundiges om te
sien waar presisietoerusting van hulp
kan wees. Maak seker u het die regte
keuse van trekkers en implemente om
SENWES SCENARIO | LENTE • SPRING 2018
elke aksie effektief en doeltreffend te
kan uitvoer. Voorsien buigbaarheid in
u stelsel.
Indien strategiese besluite geneem
word ten opsigte van alternatiewe
gewasse, doen deeglike navorsing en
implementeer dit stapsgewys.
Dit is raadsaam om finansiële begro
tings, wat oor die somerproduksie
seisoen (September – Augustus)
strek, nou aan te pas namate groter
sekerheid verkry word met betrekking
tot opbrengs en prys. Deur dit
te doen, kan tydige reëlings met
krediteure onderhandel word, indien
nodig. Potensiële surplusse en die
aanwending daarvan kan ook met
groter akkuraatheid bepaal en beplan
word.
Vir enige navrae oor presisie
ontledings, kontak gerus vir:
Ian Bothma (SGS NviroCrop
Streeksbestuurder): 082 904 4110
of e-pos [email protected])
Petrus van Staden (Senwes Senior
Agronoom): 076 219 3778 of e-pos
[email protected].