Senwes Scenario Augustus / September 2015 | Page 21
’N RUBIN-SOLITAIR-KOMBINASIE VAN
LEMKEN IN AKSIE OM PERFEK TE PLANT
VIR ’N SKITTEROPBRENGS.
“H
ierdie goed is net
fantasties! Jy kan dit nie
vergelyk met ’n ander planter
nie, want dit doen mos alles in
een,” vertel Werner Basson van
Fochville.
Hy plant tef vir vee- en
perdevoer en voorsien ook
saad aan K2Agri. LEMKEN
se Rubin-Solitair-kombinasie
het ’n omwenteling in sy
boerdery veroorsaak. Met die
ondersteuning van Senwes en
LEMKEN se mense, is daar
proefaanplantings op sy plaas
gedoen en die skeidslyn tussen
sy konvensionele aanplanting en
sy LEMKEN-aanplanting loop
soos ’n mes deur sy tefland. Aan
die “ou” kant is die tef geel en
op baie plekke het dit platgeval,
terwyl die klasmaats aan die
LEMKEN-kant fier en regop in
hulle groen rytjies blink.
Werner sê: “Die plantjies
voel en lyk net anders. Hulle het
meer blare en as jy aan hulle vat,
dan voel jy sommer dat hulle
stewiger en sappiger is.”
Hy kan ook nie uitgepraat
raak oor die ontkieming en
plantestand nie en sê hy gaan
volgende keer beslis meer as sy
gewone 20 kg per hektaar saai,
want “alles kom op”. Net na
planttyd was daar ook ’n woeste
wolkbreuk op die plaas en die
“ou” land het sleg verspoel, terwyl LEMKEN se ferm, maar
deurlugte saadbed die aanslag
lag-lag afgeweer het.
Tef word geplant om gesny
te word en as jy drie snysels kan
afhaal en nog die saad kan dors,
het jy voorwaar ’n wenoes vir die
seisoen. Om dit reg te kry, beteken dat die saad vinnig en gelyk
moet ontkiem en dat die plantjies egalig moet groei en stewig
moet staan. ’n Grasplant wat
dapper en regop staan en wag vir
die snyer word skoner afgesny en
kan gouer en sterker hergroei en
meer volume materiaal lewer.
So werk die plantproses
LEMKEN se 5-meter Rubinskotteleg en saadbedvoorbereider
abba die Solitair-planter en in
een vinnige verbyswiep word
die grond bewerk en beplant.
Die Rubin se skottels is van
stewige 6-mm staal en teen
’n spesiale hoek na vorentoe
gemonteer sodat dit doeltreffend
deur plantreste en grond kan
sny sonder die nodigheid van
oormatige gewig om dit in die
grond in te dwing. Elke skottel
het sy eie drukveer wat help dat
hy oor hindernisse soos klippe
kan lig sonder om van rigting
te verander en dadelik weer kan
inval. Agter elke ry skottels is
harkies wat die opslagklonte
breek en terugdwing grond toe
en dan volg die twee rollers van
verskillende grotes wat sorg dat
die saadbed perfek gelyk en net
ferm genoeg is om die fyn tefsaadjies te ontvang.
Die Rubin kan op sy eie ook
PR O MO SIE
•••
KORT NA PLANTTYD WAS DAAR ’N
HE WIGE STORM EN DIE KONVENSIONELE
GEDEELTE VAN DIE LAND HET SLEG
VERSPOEL, MAAR AAN DIE LEMKEN-KANT
HET DIE RY TJIES JONG PLANTJIES REGOP
BLY STAAN OMDAT DIE WATER KON
WEGSAK.
werk, maar sy kombinasie-as
maak dit moontlik om die
Solitair-planter agter aan te haak.
Die planter werk met positiewe
lugdruk en kan met ’n eenvoudige verstelling letterlik enige
saad perfek plant. Die tefsaad
was geen probleem vir die planter nie en Werner-hulle het nie
gesukkel met verstoppings nie.
“Die GPS maak ook die plantproses baie makliker en jy kan
sommer sien daar is nie dubbelrytjies of rytjies wat gemis is
nie,” sê Werner.
Die planterkombinasie is
gesleep deur ’n John Deere 8260
en die brandstofverbruik was ’n
skamele 4,5 liter/hektaar. “En
ons spaar op arbeid,” sê hy.
Skakel Blackie Swart
by 082-404-9651
of stuur ’n e-pos na sales@
lemken.co.za. Besoek ook
www.lemken.com
SENWES Scenario • Augustus/September 2015
19