Senwes Scenario Augustus / September 2015 | Page 11
KO L L IG
•••
DEWALD DEMPERS WYS HOE OM
PEKANNEUTE KOEL EN KLAM TE HOU.
kry. Hulle is soms tot twee keer
per week op sy plaas. Hy is nie so
prysgeoriënteerd dat hy net vir
‘n paar sent sal rondval nie. “Ek
weet ek kry die beste prys, want as
ek goed doen, doen hulle goed.”
So gefokus is Dewald dat hy selfs
‘n braai-area op sy plaas gebou het
waar elke besigheidspersoon wat
‘n rol op sy plaas speel in naam
op die braaimuur verskyn. En so
rammel hy al die name af wat sy
boerdery ‘n sukses maak - met
Senwes wat ‘n integrale rol hier
speel.
DIVERSIFIKASIE
Die Hartswater distrik ken
diversifikasie. Daarom dat
Dewald met mielies, koring,
gars, lusern, pekanneute,
druiwe en grondboontjies
boer. Diversifikasie het sy eie
intrinsieke benadering. Party
mense glo daarin om in die goeie
fase wat pekanneute nou beleef,
pekanneute op omtrent al hulle
grond te plant waar ander weer
tot ‘n kleiner mate diversifiseer.
Dewald is van mening dat ‘n
mens moet diversifiseer. “Maar
nie alles nie. Hou by wat jy ken.”
So deur die laaste dekade,
vandat Dewald in 2006 begin
boer het, het hy deur innoverend
te dink sy garsproduksie van 7.2
tot 7.4 ton per ha na 8.6 ton
verhoog en sy mielieproduksie
van 12.3 ton per ha met meer as
2 ton verbeter na 14.4 ton per ha.
Dewald is trots op sy plaas,
waar hy breëbors alles vir my
wys. Dit is wintertyd en hy plant
nou gars op sy spilgrond. Hier is
presisieboerdery veral van belang
en moet jy nie te diep plant nie
- hy wys die groeiverskil aan my
uit. Hy praat passievol oor elke
plant soos hy wys na die een lang
wit gedeelte van die stam van ‘n
plantjie, waarna hy omtrent moes
soek so tussen die perfekgeplante
rye. “Hierdie een het omtrent
al sy energie gebruik net om
bogronds uit te kom, en derhalwe
is sy wortelgroei maar bitter min.
Dit in vergelyking met die meeste
van die sade wat vlak geplant is
en waar die wortelgroei welig is
omdat die energie op wortelgroei
gefokus was eerder as opwaartse
groei.” Sy grondvoorbereiding het
ook aandag geniet, wat help dat
elke garsplant presies dieselfde
groei het. Hier maak hy ook
staat op kaarte om te bepaal
waar hy nog moet besproei en
waar hy moet bemes. Dan groei
SENWES Scenario • Augustus/September 2015
9