NUUS
Thobo Trust loods
groentetuinprojek by Itokisetseng skool
Thobo Trust, die Senwes Groep se BBSEB en sosio-ekonomiese vennoot, het aan 'n
skoolgroentetuinprojek begin werk op 23 Oktober 2018.
Deur Kefiloe Manthata
Senwes Joernalis
N
ou, vyf maande later, word
die projek op 14 Maart 2019
by Itokisetseng Combined
School, naby die Senwes
Losdoorns silo, geloods. Senwes
direkteur, Thabo van Zyl, en sy vrou
Ninette was instrumenteel daarin om die
projek van die grond af te kry en het hulp
verleen in terme van arbeid en advies
ten einde te verseker dat die aanplant
van die groete en die uiteindelike oes
daarvan, sonder probleme sou verloop.
Deur 'n sterk vennootskap tussen Senwes,
66
SENWES SCENARIO | HERFS 2019
Syngenta, Omnia, Senwes Grainlink,
Senwes Equipment en Itokisetseng
Combined School is groente op sowat 1,4
hektaar op die skoolgronde in Losdoorns
in die Vrystaat geplant.
Tydens die eerste aanplantingsfase,
wat eintlik 'n toetsfase was, is slegs
kool geplant ten einde die vrugbaarheid
van die grond te toets. Nadat donasies
ontvang is vir die verskaffing van
skadunet om die groente teen die
erge Vrystaatse son te beskerm, is die
aanplantingsfase voltooi. Die goeie nuus
is dat die eerste fase 'n reuse sukses was
en dat die groente floreer.
Itokisetseng-leerders by die
bekendstelling van die tuinbouprojek.