•••
• •
N UUS • •
Nampo gerat vir die
volgende 50 jaar
SPOG MET ‘N NUWE BAADJIE EN TALLE
NUWIGHEDE IN 2017
MET DIE GESKIEDKUN-
DIGE 2016 NAMPO
OESDAG WAARTYDENS
DIE 50-JAARVIERINGE
NATUURLIK DIE BOTOON
GEVIER HET, HET NAMPO
DIE PAD OMTRENT UIT-
GELÊ VIR DIE VOLGEN-
DE 50 JAAR MET TALLE
NUWIGHEDE BY DIE 2017
NAMPO OESDAG, WAT
VANJAAR VAN 16 TOT 19
MEI PLAASVIND.
AUBREY KRUGER
D
ie bestuurder van Nampo
in 2017, Du Toit Wessels,
noem dat die eerste merkbare
verandering die kenteken van
Nampo is. Die bemarkingspan het
met ’n verfrissende nuwe kleur en
geur vorendag gekom met omtrent
al die kleure onder die son, wat
‘n lewendige voorkoms aan die
kenteken gee. Wessels verklaar dat
hulle ook die Graan SA logo baie
uniek en ‘funky’ by die Nampo
logo geïnkorporeer het. “Nampo
is immers een van die beste han-
delsmerke in landbou,” bevestig
Wessels.
Nog ’n nuwe ding is natuurlik
die leuse - Ontvou die toekoms
- oftewel Unfold the future in
Engels. Dit weerspieël die nuwe
visie van Nampo, koppelend met
die volgende halfeeu wat Nampo
tegemoet gaan en waarvan die
nuutste innovasie, tegnologie
en inligting deel vorm. Hierdie
nuwe leuse pas ook mooi by die
nuwe kleurvolle handelsmerk van
Nampo 2017.
’n Ander nuwe geur is dat die
fees weer met ’n damesprogram
pronk vir die eerste keer sedert
2014. ’n Voormiddagprogram
(09:30 tot 13:00) sal aangebied
word, wat dan aan vrouens die
kans sal bied om ook bietjie rond
te stap.
Dan is daar ook ’n nuwe
4x4-baan vir vierwiel motorfietse
en ‘side-by-sides’ wat naby die
saadplotte by die Suidhek sal
plaasvind.
Buitelandse uitstallers is ook
in hulle getalle daar met Kanada
(met selfs ’n Kanadese pawiljoen),
die Verenigde Koninkryk, Indië
en Rusland die nuwelinge, bo en
behalwe die buitelanders waaraan
ons al gewoond geraak het oor
die laaste paar jaar, naamlik
Argentinië/ Israel/ Verenigde State
van Amerika asook Italië. Daar
sal vanjaar meer as 700 uitstallers
wees.
Radiostasies is daar ook te kies
en te keur, met Pretoria FM wat
ook aan boord is. Nog ’n radio-
stasie is in die pyplyn, sowel
as verdere radiostasies wat die
immergewilde landbougespreks
program, Nasie in Gesprek, sal
dek.
Dan het die Toyota Veeplaas
GSA Afslaerskompetisie vanjaar
’n internasionale kleur en die
wenner sal teen die wenners van
Namibië, Botswana, Argentinië
en die VSA meeding. Daar sal
ook internasionale keurders in
aksie wees.
Nog ’n bykomende innove
ring is die doelwit om na ’n
kontantlose omgewing te
beweeg met Masterpass en van-
jaar sal die eerste oorgangsjaar
wees vir die implementering
van die stelsel. Die verhouding
is tans 20/80%, met 20% wat
hulle kaartjies voor die tyd
aanskaf. Die doelwit is om meer
na ’n 50/50% verhouding te
beweeg met die ideaal natuurlik
80% wat voor die tyd hulle
kaartjies bespreek.
Vanjaar is die toegangsgeld
vir die Dinsdag en Vrydag
R100, betaalbaar by die hekke
en die Woensdag en Donderdag
beloop hekgelde R110. Jy betaal
egter ’n volle R15 minder per
kaartjie mits jy reeds voor die
tyd jou kaartjies by Ticketpro
koop, wat beteken dat die
toegangsfooi slegs R85 vir die
Dinsdag en Vrydag beloop
en R95 vir die Woensdag en
Donderdag. Die hekke is daag-
liks oop van 07:00 tot 17:00
- so, kom geniet Nampo in al sy
glorie in 2017.
Vir meer inligting besoek
www.nampo.co.za of
www.ticketpro.co.za.
SENWES Scenario • APRIL/MEI 2017
7