N UUS
moeilik met ‘n miljoen rand ‘n
ekonomiese eenheid aangekoop
kan word (Tabel 2). Die bedryf is
kapitaalintensief en dit is daarom
belangrik om deeglik navorsing
te doen oor die verkoper en ook
die diere wat aangekoop word.
Maak seker jy koop kwaliteit.
Tabel 3 is ‘n teoretiese
berekening wat die
winsgewendheid van
wildboerdery per hektaar
vergelyk met die tradisionele
mielie- en beesvertakking. (Die
gemiddelde jaarlikse veilingspryse
van Vleissentraal is gebruik
in die berekeninge. Inkomste
sowel as uitgawes is jaarliks
met inflasie aangepas). Dit is
belangrik om te onthou, hoe
kleiner die teelgroep is waarmee
begin word, hoe langer gaan dit
neem om die aanvangskapitaal
in winste te omskep. Spesies
met korter dragtigheidstydperke
en hoër speen-persentasies sal
ook vinniger winste genereer
(Tabel 3). Hierdie spesies se
winste kan dan aangewend
word in die duurder spesies soos
bv. Buffels en Sables te belê.
Jou rand en sent moet
baie goed omgedraai word en
Odendaal beveel wildboere aan
om berekeninge op realistiese
waardes te skoei. Onthou: die mark
beweeg deur ekonomiese siklusse
en daar is risiko’s. ‘n Liefde vir die
bedryf en spesies waarmee geboer
gaan word, is die basis vir sukses.
Vir enige ander navrae
oor die wildbedryf bel Senwes
Landboudienste.
•••