Curso 2013-2014
Revista Mira
Celebramos o
magosto
O pasado novembro celebrábase
na provincia de Ourense a festividade do Magosto.
Un ano máis, non podíamos ser
menos, e nas proximidades das
nosas instalacións, festexamos o
Magosto, un día sinalado no calendario por todos, grandes e pequenos, no que se mestura o lecer
co xantar, ao tempo que se está
en contacto coa natureza, e se fai
a exaltación dun produto moi típico e abundante na nosa terra,
como é a castaña.
Ao longo de toda a xornada matutina, brincaron, cantaron, asaron
castañas…, e xa pola tarde fixéronse xogos organizados polo
centro, para que participaran todos xuntos, e algúns dos que tiveron maior aceptación, foron: o de
ter que atopar un globo deseñado
e decorado con forma de castaña,
ou ben, a “gynkana de castañas”,
que fixeron as delicias dos alí presentes.