P
PROFIEL
1
JOHANN NEL
HOËKRAAL LANDGOED
Jongboer-wenner hou kundiges
se advies na aan sy hart, skryf
Maryke Roberts.
J
ohann Nel (30) van Hoëkraal Landgoed
is onlangs as die Agri Wes-Kaap
Santam Landbou Jongboer van die Jaar
aangewys. Die plaas by Suurbraak
buite Swellendam lê teen die
Langeberge, digby die Tradouwspas.
Johann het vier ander finaliste, naamlik
Cornel Landman van Karoo-lusern buite
Oudtshoorn, Danie Viljoen van Lushof buite
Prince Alfred’s Hamlet, Gert Joubert van
Meulrivier in die Bo-Kammanassie en Sias
Reynolds van Kamferskraal buite Beaufort-
Wes, uitgestof.
Die spanning onder die finaliste van die
Agri Wes-Kaap Santam Landbou Jongboer
van die Jaar was sigbaar by die spog prys
Agri Wes-Kaap Santam Landbou
JONGBOER VAN DIE JAAR
24 Plaastoe! July 2017
uitdeling in Durbanville. Johann lag nou as
hy terugdink aan die beoordeling op die
plaas weke tevore. “Ek was op my senuwees
en sou graag meer tyd saam met hulle wou
spandeer om meer van ons bedrywighede
aan hulle te wys en behoorlik te verduidelik.
Ek dink die beoordelaars het ’n moeilike
taak gehad om al die finaliste te beoordeel.
Ek hoop wel die totale boerdery was vir
hulle goed, omdat ons streef om ’n netjies-
geordende boerdery te bedryf.
“Net om in aanmerking te kon kom om
genomineer te word, was vir my ’n groot
kompliment en eer. Dit het my laat besef
dat dit ’n geleentheid om te groei bied
en ek myself aan ander boere en leiers in
landboupraktyke kan meet.”
Volgens die beoordelaars, Johanné
Rossouw (Agri Wes-Kaap), Ninon
MacKinnon (arbeidspesialis), Louis Wessels
(voorsitter: RPO Wes-Kaap), Louis Jonker
(streekbestuurder: Santam Landbou)
en Adri Esterhuyse (Landbou-ekonoom:
ABSA), was die vyf kandidate vanjaar weer
besonder sterk.
Johann se doeltreffende bestuur by elke
boerderyvertakking op sy plaas en die groei