12
12 Op pad buiteland toe
Kategorie. Ter selfregverdiging: Nou hoor jy
van ʼn tronk waar die inwoners boer en wat
sien jy in die geestesoog? ʼn Klompie
tronkvoëls wat op grawe leun en kyk hoe
miserabele aartappels en uiwe en vrot
tamatieskywe aan die lewe klou? Reg?
Verkeerd!
Kyk na Kirkwood Korrektiewe
Dienste se produkopname
vir die 2016/17 finansiële jaar:
Melk – 586 000 liter,
lêhoenders – 120 000 dosyn
eiers, vleisbeeste en boerbokke
– 47 000 kilogram en groente –
2 087 000 kilogram.
En dit ten tye van die afgelope droogte. Ja,
die natuur verrinneweer tronkboere netso.
Skryf Johan: “Die boerdery-aktiwiteite
in Korrektiewe Dienste ondervind baie
van dieselfde uitdagings as die gewone
bestaans- en kommersiële boere. Droogte,
ongediertes en veediefstal is seker die
grootste bedreigings. Die knaende droogte
wat tans in die Oos-Kaap ondervind word,
het hier ook ʼn groot impak gehad en die
produksiesyfers is baie laer as wat in vorige
jare ondervind is. Byvoorbeeld, groente
en eiers was onderskeidelik 89 000 kg en
14 000 dosyn minder.”
… gevangenes word besig gehou wat
dan ook bydra tot die vermindering
van bende-aktiwiteite.
Volgens Johan dra die landbou-aktiwiteite
by tot die rehabilitasieproses deurdat
gevangenes gebruik word as arbeid en in
die proses sekere vaardighede aanleer en
ondervinding opdoen.
14 Plaastoe! July 2017
Johan: “Die spreekwoord sê, ‘Ledigheid
is die duiwel se oorkussing,’ en gevangenes
word besig gehou wat dan ook bydra tot
die vermindering van bende-aktiwiteite.
Die gevangenes wat arbeid verrig, kry ook
ʼn minimale bedrag elke maand en dit bring
ook die begrip tuis dat jy moet werk om geld
te verdien. Voorts word daar ook van tyd tot
tyd kursusse aangebied vir die gevangenes
in landbouverwante rigtings. Ons is van
mening dat daar ʼn redelike mate van
sukses behaal word met die rehabilitasie
van gevangenes wat in die Landbou-
afdeling werk.”
“Die Sondagsriviervallei is die plek
in die wêreld wat heel moontlik die
beste suurlemoenproduksie gee.
Natuurlik skiet sommige misdadigers
dieper en permanenter tronkwortels
as die groenteplante, maar Johan het
die teenvoeter.
“Die toegewydheid van die landbouper
soneel op Kirkwood dra by tot ons sukses.
Van hulle het ʼn gesindheid van eienaarskap.
Hierdie gesindheid veroorsaak dat hulle
bereid is om ʼn ekstra myl te stap en meer
te verrig as wat eintlik van hulle verwag
word. Die resultaat hiervan is dat Kirkwood
onder die top plase in die departement het.
Van ons Bonsmara-bulle is al oorgeplaas na
plase in Gauteng om die gehalte van daardie
kuddes te verhoog.”
Dit is egter nié net met die bemag
tigingsinisiatiewe waar dinge oop en toe
loop nie.
“Die Sondagsriviervallei is die plek in
die wêreld wat heel moontlik die beste
suurlemoenproduksie gee. Ons tonnemaat
per hektaar en gehalte is die hoogste
ter wêreld. En dit maak vir baie groot
investerings oor die afgelope klompie jare
in grond en suurlemoene. En daarmee
saam kry jy die wêreld se belangstelling
omdat verbruik geweldig toegeneem het as
gevolg van sitrus se gesondheidsvoordele,”
so sê Hannes de Waal, SRCC se
besturende direkteur.
Sitrus is vandag ʼn verskriklike groot
globale bedryf, omdat verbruike deur
die dak geskiet het
Soos in die geval van die meeste bestu
rende direkteurs is Hannes ʼn indrukwek-
kende man gesetel in ʼn imposante raadsaal.
Hy lyk ook sommer gesond.
Een van die belangrikste lande waar
sitrusverbruik toeneem, is jammerlik ook
die land waar die onwettige gebruik van ons
rooilys perlemoen, ivoor en renosterhoring
dieselfde doen. China. Maar dié land bly
belangrik vir ons ekonomie.
“Vir ons sal China nooit te groot word
nie, daar is net te veel mense. Die probleem
daar is egter die baie fitosanitêre hekkies
waaroor jy moet spring om jou vrugte daar
te kry.”
Fitosanitêre beperkings kom daarop
neer dat wanneer jy enige landbouprodukte
uitvoer, die invoerder wil weet watter
lewende of dooie organismes op die vel, of
binne-in die produk teenwoordig is wat
daardie land se produksie weer negatief
gaan beïnvloed.
“Sitrus is vandag ʼn verskriklike groot
globale bedryf, omdat verbruike deur
die dak geskiet het namate bevolkings
toegeneem het. Dieselfde met appels en