Pa Fokus
33
f
ë
s
h
f
ë
s
h
Vd
iq
Te
at
ri,
Punoi: Kristi Çunga
Ø
Rr
of
të
Te
at
ri!
Prej 15 janar të këtij viti kur Ministrja e Kulturës Znj. Mirela Kumbaro
Furxhi bëri të ditur për mediat planin
për shndërrimin e Teatrit Kombëtar
të Komedisë në Teatrin Eksperimental “Kujtim Spahivogli”, reagimet nuk
kanë munguar. Si fillim shumë artistë
u shfaqën kritik ndaj nismës kryesisht
duke qenë konfuzë dhe mosbesues
nga ajo çka pritej të ndodhte. Vëmendjen mbi Teatrin Eksperimental
këto ditë e riktheu ftesa e ministres
Kumbaro ndaj aplikantëve për drejtorë të këtij institucioni. Kritika e atyre
më së shumti ka qendruar në paqartësinë e termave, e rrjedhimisht edhe
në abuzimimet që kjo paqartësi do të
mund të ngjizte. Disa artistë të skenës iu rikthyen kritikave ndaj Teatrit
Eksperimental me pretendimin se me
teatrin në fjalë po vihen re parregullsi
qysh tani, pasi proçedura e zgjedhjes
së kreut të institucionit nuk duhet të
zgjasë kaq shumë (deri në vjeshtë
parashikohet sipas Ministrisë së Kulturës). Disa të tjerë më shumë se vetë
shndërrimin e teatrit shihni me sy
kritik mënyrën e shndërrimit,- faktin
se vendimi që Ministria morri nuk erdhi si rezultat i konsultimit me artistët
(dmth vetë ata). Kishte edhe nga ata të
cilët duket sikur kishin formuar lidhje
të shkurtra me institucionin e teatrit
dhe mbajtën një qendrim konservator duke e interpretuar kalimin e subjektit teatral nga një art i konfirmuar
për elitën, drejt një arti dekadent për
masat. Këta artistë në mbrojtjen që i
bënin ekzistencës së Teatrit Kombëtar
të Komedisë në prononcimet showmediatike, dukeshin aq shumë të
shqetësuar për “degradimin” e teatrit
sa mund të mendoje se ishin kapluar
nga kompleksi i Krishtit për të shpëtuar publikun nga arti i keq. Me një
vështrim të përgjithshëm në media
me siguri do të vihej re se megjithëse
artistët që kritikonin apo kundërshtonin idenë e teatrit eksperimental ishin
të shumtë, natyrisht kishte edhe artistë të cilët e mbështesnin nismën e
Ministrisë së Kulturës ashtu siç mund
të pritej.