riti anija, kubanët po bënin një festë të paparë. Përfundimisht, ngjau ajo që pritej. Prezervativët
kinezë ishin bërë, domosdo, për kinezët dhe mjerisht nuk mbulonin as gjysmën e asaj që duhej të
mbulonin tek meshkujt e fuqishëm kubanë.
Njerëzia është shkrirë së qeshuri kur, ditën e festës, pa të varur në rrugët e Havanës disa tollumbacë me formë të çuditshme...
Ja, këto lloj ngjarjesh lënë gjurmë në krijimtarinë e një shkrimtari. Sidoqoftë, Markezit fama nuk i
erdhi menjëherë. Madje, ai pati disa probleme me botuesit që nuk pranonin t’i merrnin përsipër
veprat e tij. Por kjo nuk e vuri përfund. Gjëja më e mirë që ai dinte të bënte, ishte të shkruante.
Në vitet e fundit duket se sëmundja e shekullit nuk u tregua bujare as me shkrimtarin e madh.
Shëndeti i tij erdhi duke u përkeqësuar dhe që nga viti 2006 deri në ditën e vdekjes, askush nuk u
kujtua më për të. Sidomos këtu në Shqipëri.
Ngjarjet rrodhën aq trishtueshëm, saqë pati dhe nga ata që nga habia tundnin kokën e thoshin:
“Pse gjallë paska qenë Markezi?” Ngjarjet vazhduan të rridhnin edhe më trishtueshëm kur të
nesërmen e vdekjes, shtëpitë botuese kishin rishtypur një ndër librat e tij më të famshëm “Njëqind vjet vetmi”, me idenë se tani do të shitej si buka. Ngjarjet u bënë qesharake kur me radhë
emisionet televizive filluan të flisnin me ekspertë nga më të ndryshmit për humbjen e madhe që
iu shkaktua letërsisë. Ngjarjet u mbyllën tragjikisht, kur pa iu mbushur as java, shkrimtari i madh
ra në harresën ku kishte qenë. Kjo vërtet që quhet mospërfillje! Jo vetëm ndaj Markezit, por ndaj
shkrimtarëve në përgjithësi, prandaj është e kotë të them se një popull që vret para kohe shkrimtarët dhe letërsinë, zëre se është një popull pa shpirt.
Me rubrikën “dossier” do të mundohemi që këtej e tutje të rikthejmë në vëmendje ata që iu kushtuan me tërë qenien e tyre një misioni kaq fisnik sa ç’është letërsia. Jam krenare që e filluam me
Gabriel Garsia Markez. Le të mos harrojmë kurrë më!
P. S: kujdes nëse keni miq shkrimtarë. Sjelljet, ngjarjet apo vetë ju mund të pasqyroheni fare mirë
në ndonjë nga shkrimet e tij në të ardhmen. Në fakt, kjo është disi e pashmangshme..
Kompas
Klea Vyshka
Rubrika kompas i dedikohet analizave të cilat
janë në formën e reflektimeve akademike
për publikun e gjërë. Pa Fokus merr përsipër
përzgjedhjen e tyre për t’i ardhur në ndihmë
literaturës për një masë lexim-dashës dhe reflektimit filozofik, social dhe ekonomik.