Amsterdam
Express
flasin
at
film
Më datë 27 Mars u promovua në
Kinema Millenium për herë të parë
filmi më i ri shqiptar “Amsterdam
Express”, një film që nuk ka dalë
akoma në kinematë shqiptare për
publikun e gjerë.
Filmi i zhanrit dramë-aksion trajton historinë e një djali shqiptar
që transferohet në Amsterdam për
të siguruar para’ për të ndërtuar
shtëpinë e tij në Shqipëri, ku ka lënë
dhe të dashurën. Në kryeqytetin hollandez përfshihet në aktivitete kriminale dhe në një tjetër raport intim,
duke përfunduar kështu mes trazirave dhe dy dashurive. “Amsterdam Express” është filmi më i fundit
i Fatmir Koçit, regjisor dhe skenarist në këtë prodhim, ku marrin pjesë
aktorë që punojnë brenda dhe jashtë
kufijve të Shqipërisë, si Blerim Destani, Flonja Kodheli, James Biberaj,
Bujar Lako, Rajmonda Bulku me
producent Xhevdet Ferin.
“Romancë e fortë që protagonisti
lë pas dhe një romancë e re që nis
në Amsterdam, rikthime të forta
të memories për atë që ka lënë në
Shqipëri dhe një njeri që i ofron
para’ të shpejta përmes drogës dhe
skllaveve të seksit. Këtu nis drama
e tij e fortë”, shpjegon Fatmir Koçi.
Elementi femër është i fortë në
film. Është Marta, vajza e lënë në
Shqipëri, Ana, prostituta që Bekimi
tenton ta shpëtojë dhe Suzana, vajza simpatike holandeze që pranon
të martohet me shqiptarin sepse
e pëlqen atë. Dhe e gjithë ngjarja
ndodh mes këtij trekëndëshi femëror
dhe zhurmës së vazhdueshme të trenave, prej të cilëve duket se Koçi i
ka vënë titullin filmit.
Në rolin e protagonistit, Blerim Destani: “Personazhi im nuk ka kushtet
financiare për të krijuar familje dhe
shkon në Amsterdam për t’i krijuar
këto kushte.”
Për herë të parë në një film shqiptar, në rolin e protagonistes, aktorja
që jeton e punon në Francë, Flonja
Kodheli: “Personazhi im është një
vajzë që vjen nga një familje tipike
shqiptare. Është një karakter shumë
kompleks që lufton me pengesat për të dashurin e saj dhe
për të shprehur lirinë e saj.”
Në rolin e antagonistit James
Biberaj, aktori shqiptar pjesëmarrës në disa filma hollivudianë: “Personazhi im është
një kriminel në Hollandë që
vjen në Shqipëri për të marrë
hakun pasi më ka tradhëtuar
protagonisti. Ky personazh nuk
është vetëm i keq, por tregon
edhe të mira.”
Muzika e këtij filmi i ëshë besuar rreperit MC Kresha ndërsa
buxheti total për realizimin e tij
është 700.000 euro.
“Amsterdam Express” do të
shfaqet në sallat e kinemave
pas disa muajsh.