Gjatë përgjigjeve që
japin ato janë të thjeshta dhe qeshin ndërsa
kujtojnë sharjet dhe
kërcënimet që morën
pas publikimit të fotos
së tyre provokative.
Ishte pikërisht fotoja
e shkrepur në sheshin
kryesor të Prishtinës me
datë 14 Shkurt 2014 ku
vajzat i japin puthje në
buzë njëra-tjetrës ajo
që i shfaqi vajzat për një
publik më të gjerë se ai
prishtinas apo kosovar.
“Shumë e kanë pëlqyer performancën tonë të datës 14
Shkurt por shumë të tjerë kanë
adresuar fyerje dhe kërcënime
të rënda drejt nesh. Menjëherë
pasi u puthëm në shesh dhe
publikimit të fotos në rrjetet
sociale, kemi marrë kërcënime
dhe fyerje, andaj u paraqitëm
vetë në rajonin policor që të
raportonim këtë ndodhi dhe
të kërkonim mbrojtje- rrëfen
Haveit.”
..................................................
*
.........................................
Aktivizmi është arma e tyre për të treguar
haptazi veset dhe prapambetjen e kësaj
shoqërie në vitet e para të një mijëvjeçari
që premton europianizëm dhe shkrirje
kufijsh. Grupi Haveit ka krijuar tashmë një
identitet të veçantë në kundërshtimin që
i bën sistemit të vlerave shoqërore shqiptare, duke i kritikuar ato ashpër me performanca publike të guximshme e të papranuara nga shumica. Gjithçka që filloi
me një vdekje tragjike, tashmë ka marrë
një rrugëtim të gjatë drejt një kundërshtie
të hapur shoqërore e cila kërkon ndryshim
nëpërmjet ndërgjegjësimit, e cila bërtet
pa fjalë por me veprime. 4 vajzat e grupit
janë guximtaret që shumë pak meshkuj
shqiptarë do donin t’i kishin motra, që
shumë prindër i gjykuan e që shumë femra
i vlerësuan pa u ofruar mbështetje reale.
Janë femra që vazhdojnë të luftojnë dhunën në familje dhe ndaj gruas pa përdorur
dhunën, që alegorizojnë fallsitetet e jetës
kulturore shqiptare, që nuk shpresojnë më
në zgjidhjet që ofron politika, që refuzojnë
gjuhën seksi