մշակութաբանության, էթնոսոցիոլոգիայի, գրականագիտության տրամադրած
վերլուծական գործիքակազմերը։
Սոցիալ-մշակութային
դինամիկան
ուսումնասիրելու
ընթացքում
հեղինակը գերազանցապես հիմնվել է ռուս պատմաբան, մարդաբան Վ.Վ.
Բոչարովի մարդաբանական տեսության վրա։ Այս տեսության հիմքում ընկած է
այն գաղափարը, որ արդիականացման ընթացքում Արևելքի ավանդական
հասարակության քայքայումը անխուսափելիորեն հանգեցնում է քաղաքական
վերնախավի կողմից այդ հասարակության «պարտադրված համերաշխման»,
որն իրականացվում է «ավանդույթի իշխանության» սիմուլյակրերի կիրառման
միջոցով։ 1
Հետազոտական որոշ խնդիրների լուծման համար ատենախոսության
մեջ օգտագործվել են նաև Է. Հոբսբաումի, Մ. Ֆուկոյի, Յ. Հայզինգայի, Ս. Ռոյի
մշակած տեսությունները։
Ատենախոսության կիրառական նշանակությունը
Ատենախոսությունը կարող է կիրառական նշանակություն ունենալ
Թուրքիայի Հանրապետության պատմության, Ասիայի և Աֆրիկայի նորագույն
պատմության, քաղաքական պաշտամունքների պատմության վերաբերյալ
հետագա պատմագիտական և քաղաքագիտական հետազոտությունների
համար։ Դրանց հիման վրա կարող են կազմվել նոր արևելագիտական գիտա-
մեթոդական և ուսումնական ձեռնարկներ։ Ատենախոսության մեջ արված
եզրակացությունները կարող են հիմք դառնալ նոր՝ համեմատական
ուսումնասիրությունների համար, որոնք դիտարկում են այն արևելյան սոցիալ-
մշակութային հանրույթները, որոնցում տեղի են ունենում նմանատիպ
գործընթացներ։ Մասնավորապես, ատենախոսության արդյունքները կարող են
կիրառվել ժամանակակից Մերձավոր Արևելքի քաղաքական և սոցիալ-
մշակութային տեղաշարժերը դիտարկելու համար։
Ատենախոսության փորձաքննությունն ու պաշտոնական հավանու-
թյունը
Ուսումնասիրության հիմնական դրույթներն ու եզրահանգումները լու-
սաբանվել են հեղինակի հրատարակված գիտական հոդվածներում,
ներկայացնվել են միջազգային գիտաժողովներում և հեղինակի վարած
դասընթացների ընթացքում: Ատենախոսությունը քննարկվել և հրապարակային
պաշտպանության է երաշխավորվել Սանկտ Պետերբուրգի պետական
համալսարանի (ՌԴ) արևելագիտության ֆակուլտետի Ասիայի և Աֆրիկայի
երկրների հասարակական զարգացման տեսության ամբիոնի կողմից։
1
Бочаров В.В., Традиционали